ازيكم يا قمرات
عملت شوية مخلل
لات كده و حبيت تشوفها مع الطريقة ان شاء الله تعجبكم
الاول حنشوف مخلل اللفت
و ده من غير اى اضافات احمر زى الورد
الاول اللفت لازم يكون احمر و حجمه صغير و تقيل ما تشتريش اللفتة الخفيفة بتبقى شايخة
ودى صورة من قريب
نغسله كويس و نقطعه حلقات
نقطع الحلقات زى البطاطس صوابع
نجيب ملح و شطة
نرش عليه الملح و الشطة و نقلبه و نسيبه من بالليل للصبح او العكس ودى تكة مهمة
الصبح حنلاقيه نزل ميته
حناخده بميته و نحطه فى برطمان
حنزود شوية ميه صغيرين عشان ياخد راحته زى مية الرز كده و ندوقها عشان نظبط الملح وربع كوب خل
نقفل عليه بكيس و نفتح بعد اسبوع
شايفين اللون ولا بنجر ولا غيره منه فيه احمر ايه رايكم
نجيب الليمون الاضاليا و يبقى حجمه وسط او كبير زى ما تحبى كل ما كبر كل ما قشرته كانت تخينة و بيبقى حلو فى الاكل
و نسلقه نص سلقة و نحط فى الميه شوية ملح يعنى ما نسبهوش يستوى خالص و نسيبه يبرد وما نرميش مية السلق
نكون محضرين عصفر و حبة البركة و ملح و شطة
نشق بالسكينة شقة صغيره و نحشيه من جوه بالخليط يجى معلقة كبيره لكل ليمونة
نرصه فى برطمان و الباقى من الحشو نحطه فى مية السلق و نملحها كويس و نحطها على الليمون
سبيه 3ايام و كلى احلى ليمون
دى كانت باقى كرنباية كنت حشيتها رز
قطعتها حتت صغيره حت الراس بتاعتها
قلبتها فى ملح و شطة
و سبتها من بالليل للصبح او العكس
نزلت ميتها و دبل الكرنب شايفين ازاى
فى برطمان نحط الكرنب بالميه اللى نزلت منه مع شوية خل و شوية ميه لو احتاج وابقى ظبطى الملح و ما تخليهوش مالح قوى خلى الملح زى ملح الطبيخ الحادق شويه
اسبوع و كلى الكرنب و ادعيلى
تجيبى كرنبيته صغيره و تقطعيها زى كده
هنا حطيت عليه فلفل حامى كنت فرماه فى الخلاط مع شوية زيت و ملح
و حطيت شوية ملح معاه و قلبته فيه وبرده سبته من بالليل للصبح ينزل ميته
هنا لما ميته نزلت
يتبع
مواضيع هذا القسم برعاية
ام حبيبة قلبى ام حبيبة قلبى 149964_3.gif سوبر فتكات Fatakat 149964 فى عشى الهادى – اسكندرية