السلام عليكم ورحمة الله وبركاته
أزيكوا يا فتوكاتى الحلوين
نخش عالعزومة أولا السلطات وأول طبق معانا هو سلطة بابا غنوج بالخيار
أولا انتى بتغسلى البتنجنايا كويس وتخرميها بالسكينه من الجوانب عشان تطيب كويس وبعدين تحطيها على نار هاديه لحد ما تستوى وتجيبى طبق وقشريها بالسكينه وانتى مسكاها من طرفها بتتقشر بسهولة ما تخافيش وبعدين تسخنى شوية مايه صغيرين وتحطى معلقه طحينه وبالشوكه وتهرسيهم كلهم فبعض وتقطعى فص توم عليه وشويه ملح وكمون وصورتها الى فوق دى وتقشرى خيار للتزين
بعد كده سلطة الحمص
بتبيتى الحمص فميه من بالليل وتانى يوم تغيرى الميه وبعدين تسلقيه ربع ساعه وبعدين تطلعيه فطبق
وتقطعى عليه فلفل صغير خالص وتعصرى عليه لمونه وبعدين ترشى شويه كمون وذرة ملح لآن الحمص مملح اصلا وتزوقى بالخيار برضه
وتالت طبق سلطه سلطه خضره عاديه اكيد مش محتاجه شرح لأنكوا اكيد عارفين طماطم وفلفل متقطع وتبشرى شويه جزر ولمون وملح وتبقى زى الفل
وبعد كده الأطباق الرئيسية
الرقاق باللحمه المفرومه
بتسخنى شوربه مش اوى تدفيها علشان الرقاق ميبوشش منك وتجيبى رقاقايه رقاقايه وتبليها فالشوربه لحد نص الصينيه متتملى وبعدين بتعصجى اللحمه
بتبشرى البصلو وتحمريها فزيت " ملحوظه انا من مدارس زيت الدره ولا استخدم السمنه نهائى فاكلى ويمكن استبدالها حسب الرغبه " وبعدين تنزلى باللحمه لحد متحمر وتستوى وتحطى الملح والفلفل وبعدين تفرديها فصينية الرقاق وتعملى النص الى فاضل من الصينيه بنفس الطريقة الى فاتت وفالأخر تجيبى بيضه وعليه نص كوبايه لبن كامل الدسم وتربيها وتحطى ذرة ملح وفلفل اسمر وتدخليها الفرن حوالى تلت ساعه على نار هاديه ودا شكلها فالنهاية
تانى طبق رئيسى محشى الكوسه
خلطه المحشى رز وصلصه طماطم كزبره وشبت وبقدونس وجميع انواع البهارات الى عندك وبصل متقطع صغير وتخليطيهم وتقورى الكوسه بس انا بعمل حاجه كده فالصينيه قبل الكوسه بحط الى طلع من التقوير على طماطم طرنشات وفلفل " بيدى ريحه وطعم خطير " وشويه ملح وكمون وبعدين احط الكوسه عليه وتسويها على النار وشويه زيت على الوش كده وتدخليها الفرن
ودا شكلها فى طبق التقديم
طبق الفراخ بالطماطم والبصل بتغلى الفرخه كويس وتقطعى طماطم وبصل طرنشات وتدعكيهم بالملح والفلف الأسمر كويس اوى وبعدين تخطيها فحله على نار هاديه لحد ما تنزل ميتها وتشربها تانى بتذودى ميه بعدها ويدوب تغلى غلوتين
وبتبقى كده
وشويه شيبسى فالتقديم وبتبقى كده
كفته بالفلفل والجبنه الرومى والطماطم
بتجيبى اللحمه المفرومه وتحطى عليها
ملح وفلفل وبصل وتجيبى كيس تفردى عليه اللحمه عشان يساعدك فاللف وتحطى شريحه طمطاطم وفلفل وجبنه رومى وتلفى
وبتبقى كده
وفدقيق وبيض وبقسماط وفالزيت وحمرى وادعيلى
مواضيع هذا القسم برعاية
princes.yb princes.yb 1132664_1.gif فتكات حبوبة Fatakat 1132664 مصر – مصر