ازيكم يافتوكات يارب تكونو بخير وفى احسن حال
النهاردة هقدملكم شوربة النابت اكله مصرية صميميه .. وطبعا كلنا عارفين
انها خفيفة وطعمها جميييل .. وحلوة جداا فى الشتاء .. ندخل على الموضوع
نص كيلو فول ناشف ننقعه فى ميه لمدة 3 ايام .. لحد ماينبت
دة شكل الفول وهو منقوع فى الميه
توم .. حوالى معلقة كبيرة توم مفروم _ وبنحط معاهم
كمون وكسبرة ناشفة وملح _ وانا حطيت حبة حبهان ولورى مطحون
ليمونة ومعاها طماطماية واحدة فقط
نجيب الحلة بتاعتنا .. ونحطها على النار
وبعديين بنحط فيها شوية زيت .. وبعديين نحط التوم ونقلبه
لحد مايصفر كدة .. وبعديين نضيف عليه الفول بعد مانصفيه من ميتة
**********************
ودة شكل الفول بعد محطيتة على التوم .. ودة علشان ياخد
من طعم التوم .. وبعديين بضيف عليها الطماطم المضروبة فى الخلاط
انا بحب اصفى الطماطم فى كل أكلى
وبعديين بنسيب الطماطم تتسبك شوية مع الفول
وهنا ضيفت عليها المية ,, وتبلتها بالكمون والملح والكسبرة , والحبهان واللورى المطحونين
وهنا بنغطى الحلة ونسيب الشوربة لحد ماتستوى
ودة شكل النابت لما استوى .. ومش عايزة اقولكم على الريحة
قلبت الدنيا .
ودة الشكل النهائى للشوربة بتاعتنا .. بتعصرى عليها الليمون
وبألف هنا وشفا
مواضيع هذا القسم برعاية
nor eleyman nor eleyman 202470_3.gif مفسرة الاحلام Fatakat 202470 ( عايشة فى بيتى مع جوزى وعيالى _ فى ارض الله الواسعة – مصر