مش تتخضو ده كان هزار على طريقة تخزقيلى عين واخزقلك عين ونعيش عور احنا الاتنين اصل حبيبى فى منتهى الرقة المهم شفنا مطعم فتح جديد واصحابه قالولو كويس فقلنا نجربه يوم عيد جوازنا المهم عجبنا الاكل خالص وبعدها بفترة قلت اجرب اعمله فى البيت
الmenu
شوربة فراخ بالكريمة والمشروم
ارز ابيض بسمتى (بس فيه طعم حاجة فضلت ادور لغاية ما لقيتها)
بيكاتا فراخ بالمشروم
سلاطة يونانى
انا عملت الانواع دى بالظبط زى المطعم
الشوربة
شوحى شوية لسان عصفور فى زيت بسيط وفص مستكة ولما ياخدو لون دهبى بسيط حطى شوربة فراخ او مية ومرقة جاهزة برضه بتبقى حلوة ولما المكرونة تستوى حطى قطع فراخ صغيرة ومشروم طبعا الفراخ مسلوقة والمشروم مش بياخد حاجة على النار فمش مهم تسويه قبل كده وتحطى شوية كريمة جاهزة او تعمليها بشوية لبن ودقيق وانا باعملها كده علشان الكولستيرول تغلى غلوتين لحد ما توصل للسمك المطلوب واطفى النار
الارز
ارز ابيض عادى كنت هاموت واعرف النكهة منين طالما ابيض بعد البحث والتنقيب عملته بشوربة الفراخ وزبدة كتير شوية للاسف هى اللى بتدى الطعم اللى يجنن مش قدرت استغنى عنها ولا اخلطها بزيت الطعم مش هيتظبط من غيرها يعنى على الكوب رز معلقة زبدة كبيرة
الببكاتا
فراخ مخلية قطعيها شرائح متوسط السمك يعنى الصدر 3 قطع وتبليها ملح وفلفل وبهار خفيف جدا علشان مش يتغير لون الكريمة بعد كده شوحيها على النار بشوية زيت قليلين اوى زى الشوى كده بس خلى بالك المقلاية مش تسود او تبقى فيها بقايا محروقة من الفراخ ولو المقلاية حروقت منك غيريها للكريمة علشان لون الكريمة يفضل ابيض بعد ما الفراخ تستوى شيليها من المقلاية وشوحى المشروم وحطى عليه الكريمة سواء جاهزة او لبن ودقيق زى ما اتفقنا وقبل ما تبقى سميكة حطى عليها الفراخ تانى علشان تتشرب الكريمة وطبعا ظبطى التتبيلة بتاعتها لان اللبن بيكون عاوز ملح شوية
لو هتعمليها بالدقيق مش تتقليها اوى علشان لما تغلى على النار بتسمك وتتخن من نفسها
السلاطة اليونانى
قطع كبيرة من طماطم خيار فلفلخسمكعبات جبنة تلاجة بيضاءشرائح بصل
حطى الخضروات كلها الاول وقلبيها وتبليها وبعدين فى الاخر وزعى مكعبات الجبنة على الوش للزينة
بعد كل ده قالى انتى بتجلبى لنفسك اعملك ايه اكلك احلى من المطعم
ماشى ماشى بيضحك عليه علشان مش يغرم العزومة بس على مين قلتله نبقى نروح اخد الوصفة اول مرة وبعد كده اعملهالك فى البيت ههههههههههههههههه على مين ده احنا كيد النسا مش هنغلب
جربو اكل المطاعم بقى وقولولى مواضيع هذا القسم برعاية
همسة بس دوشة همسة بس دوشة 467531_12.gif فتكات غالية قوي Fatakat 467531 بورسعيد – مصر