السلطة شىء اساسى على السفرة خصوصا للى عندها اطفال ,, ولازم تكون موجودة نظرا لقيمتها الغذائية
لكن لتكرار هذا الطبق بشكل شبه يومى بتبقى حاجة تزهق بردة علشان كدة لازم كل يوم تجددى فية لانه مهم انه يكون موجود
علشان كده انا بعمله بطريقة جديدة جربيها
اولا طبعا الجرجير ويكون مغسول كويس جدا
ثانيا الطماطم
ثالثا حباية جزر
رابعا فلفل اخضر بارد او رومى
زيتون اخضر ونعناع اخضر ناشف
بقدونس مقطع قطع صغيره
ملح وزيت وخل عصير ليمون
نقطع الجرجير والطماطم و الفلفل والزيتون والبقدونس
وبعدين نبشر الجزر رفيع قوى ونضعه على السلطة وبعدين نتبل السلطة بالملح والليمون والزيت والخل وبعدين نجيب النعناع الناشف ونفركه على السلطة ونقلبها كويس وبعدين تحطيها فى طبق التقديم وبكدة هيكون عندك طبق سلطة متكامل المكونات ومختلف مش تقليدى والالوان الى فى الطبق شكلها لوحده يفتح النفس والاولاد هيحبوه اوى وبالهنا والشفا
مواضيع هذا القسم برعاية
lovely mom lovely mom 410827_6.gif برنسيسة فتكات Fatakat 410827 الاسكندريه – مصر
سبحان الله و بحمده