ده اول موضوع ليا با بنات باركولي
انا النهارده عملت سلاطه ظريفه جدا البنجر بالبطاطس
طريقته سهله جدا
نجيب بنجر نحطه في ميه يتسلق ع النار طبعا بعد ما بتغسل كويس اوي لانه ربنا يعزكم بيكون مليان طين
لما يستوي نبرده في ميه من الحنفيه و نقشره و نقطعه مكعبات
البطاطس في نفس الوقت نقشرها و نقطعها مكعبات و نسلقها في ميه و ملح
و لما تستوي نصفيها و نسيبها اما تبرد
نبدا نجهز الدرسينج في كوبايه (الدرسينج يعني تتبيله السلاطه)
عصير لمون+كمون+خل+زيت+ملح +فلفل اسود+توم مدقوق
و اقلبهم جامد و احط البطاطس علي البنجر و اصب عليهم الدرسينج و اديله تقليبه
زهقتو مني معلش اخر حاجه
احطهم في علبه و احطهم في التلاجه و بالهنا و الشفا
لسلاطه
ا مواضيع هذا القسم برعاية
يارب احفظ و لادي يارب احفظ و لادي فتكات متميزة Fatakat 283343 ال – مصر