ازيكم يا حبايب قلبى عاملين ايه يا رب تكونوا جميعا بخير
ومن غير رغى كتير ندخل فى الموضوع
انا كان عندى شوية بواقى اكل شوية رز وكام شريحة كبدة ومش حابة ناكلهم تانى يوم فقلت نحطهم على بعض وطلعت فى الاخر صينية ارز بالكبدة والباشاميل ندخل بقى على الطريقة :
ده شوية ارز بالكارى كانوا فايضين من الغدا
ودول كمان شوية ارز بالشعرية كانوا كمان فايضين
ودول كام شريحة كبدة فرمتهم فى الكبة بس منعمتهومش جامد
هنا بقى هنحط بصلة مفرومة وفصين ثوم وطماطم مبشورة وملعقتين صلصة وملح وفلفل وبهارات وشوحتهم على النار ونزلت عليهم بالكبدة
ندخل بقى على الباشاميل هنحط 3ملاعق سمنة على 3ملاعق دقيق ونقلبهم مع بعض شوية على النار علشان علشان طعم وريحة الدقيق يروحوا وبعد كده ننزل عليهم بكيلو لبن شوية بشوية مع التقليب علشان ميكلكعش معانا وبعدين نضيف ملح وفلفل ابيض ومكعب مرقة وانا كان عندى بهارات بطعم الجبنة اللى بتتحط على الشيبسى بجيبها من العطار بيبقى عنده كل الاطعمة بتاعت الشيبسى حطيت شوية منها على الباشاميل للتغيير
هنا حطيت شوية باشاميل فى الصينية وحطيت طبقة رز
وهنحط عليه الكبدة بتاعتنا
وهنحط فوقها شوية باشاميل ثم الطبقة التانية من الارز
وفى الاخر طبعا هنحط الباشاميل واستكمالا لاستغلال البواقى لقيت شوية بوذوا فايض من الولاد فرمتهم فى الكبة وحطيتهم على الوش ودخلتها الفرن عملوا طبقة مقرمشة من فوق وطعم حلو طبعا
ودى الصينية لما طلعتها من الفرن انا مش بنشف الباشاميل اوى علشان فى البيت بيحبوه زى الكريمة كده
وبالف هنا وشفا مواضيع هذا القسم برعاية
توتى تاتو توتى تاتو 1239286_1.gif فتكات هايلة Fatakat 1239286 القاهرة – eygpt
سبحان الله و بحمده