المقادير :
كيس مكرونه مسلوقه ((فيونكه =Farfalle )) 
انا استخدمت الشكل ده لانها بتكبر في السلق
للحمه:
مقدار من اللحم المفروم ((نص كيلو))
بصله مفرومه –4 فصوص ثوم مفرومين –2ك عصير طماطم –2 م صلصه — ملح — فلفل
1 م ك اوريجانو = الزعتر البري = ورق الزعتر
1 م ك ريحان مجفف
لتر لبن ((انا بستخدمه قليل الدسم))
6 معالق زبده
5 معالق دقيق
ملح وفلفل
2 م جبنه كريمه او كيري ((اختياريه))
الطريقه:
1___نسلق المكرونه في ماء بملح ونصفيها
2___نعصج اللحمه :
نشوح بصله مفرومه ((انا بشوح من غير ولا نقطه زيت )) بكتفي برش نقاط من الماء
حتى تزبل البصله وبعدين اضيف الثوم وبعدين اللحمه المفرومه وبعد ما تتعصج
بضيف 2ك عصير الطماطم و2 م صلصه وملح وفلفل واوريجانو وريحان واسبها تتسبك شويه
بس ما تنشفش عايزاها بصوص سمكه متوسط
3__نعمل الباشميل خطوه خطوه :
**نسيح الزبده ونضع الدقيق
**نقلب شويه نلاحظ ان الدقيق ناعم ومش مفرول ولا متكتل لان كميه الزبده اكتر من الدقيق
**نضيف لتر اللبن والملح والفلفل ونقلب باستمرار حتى يصل للسمك المطلوب وهو متوسط زي ماحنا شايفين ونضيف الجبنه الكريمه ونطفي لانه بعد ما يهدي هيتقل شويه كمان
اعداد الازانيا :
**في صنيه ندهن الاول حبه باشميل ونرص عليهم طبقه من المكرونه
**نضع طبقه من اللحمه المفرومه بالصلصه
**ثم نضع طبقه من الباشميل ثم رشه جبنه موزاريلا
**نكرر العمليه حتى تنتهي بمكرونه وفوقها طبقه من الباشميل الاخيره ورشه جبنه موزاريلا اخري
وتدخل الفرن حتى تحمر تقريبا نص ساعه
**وده شكلها بعد ما خرجت
**وشوفولي بقه الطبق ده واشوف ارائكواااااااااااا خفيفه ولذيذه اويييييييييييييييي
دمتم بخييييييييييييييير مواضيع هذا القسم برعاية
روبي صلاح الدين روبي صلاح الدين 100206_1.gif فتكات ست الكل Fatakat 100206 جده – السعوديه