ازيكم يافتوكات يارب الكل دايما بخير وصحه
قبل اى حاجه احب اشكر مشرفات قسم الطبخ وعلى راسهم المشرفه الجميلهsoso1234
والمشرفه القمره شروق الشمس 2024 على الافكار الجميله دى وبجد انا استفدت كتيييير اوى ولسه بستفيد الحمد لله من اجمل واحلى مدونة اشتركت فيه
موضوعى بسيط بس حبيت اشارك بيه مع
ويارب يبقى بفايده لباقى الفتوكات
الاكله دى اتعلمتها من جديتى الله يرحمها وهى جميله وكنا بحبها انا واخواتى والحمد لله عملتها لبنتى برده حبتها وهى فيها كل العناصر الغذائيه وجنبها سلطه
بسم الله اول حاجه بجيب الفول وافصصه من القرون الخصرا زى كده
وبعدين اخرط فصين توم وحبه زيت وفيه اضافه من عندى ودى اختيارى بخرط عليهم ورقتين نعناع اخضر بيبقى جميل
واشوحهم شويه على النار وبعدين اضيف معلقتين صلصه وطمطمايه مبشوره واضبط البهارات والملح واسقط الفول وازود مايه وياسلام لو شوربه واسيب الفول يستوى ويتشرب طعم الطماطم
واول لما يستوى انزل بكوب رز مغسول ومنقوع وتظبطى الميه فوقه بسم وتسيبه يتشرب وتوطى عليه
يستوى عادى خالص
معلش معرفتش اصور الخطوه دى بس سهله
ودى الصور للطبق بعد مااستوى
على فكره هو مش فيه مايه لا دى لمعه الصوص بتاع الطماطم فى الكاميرا
وصوره كمان
وعملت جنبه سلطه زبادى بالخيار وممكن انتى تعملى كمان سلطه خضراء
وكده انا خلصت ويارب الوصفه تعجبكم
مش عاوزه غير دعوه ان ربنا يرزقنى باخ لبنتى ويشفيلى امى
مواضيع هذا القسم برعاية
حنينه الجميله حنينه الجميله فتكات رائعة Fatakat 1041082 القصيم-بريده – مصر