بسم الله الرحمن الرحيم
السلام عليكم اخواتي
ادخلكم موضوعي واخد حسنات علطول ههههههههههههههه
ازيكم ياقمرات
بجد فرحانه قوي عملت المكرونه اللي بتتباع عند محل الكشري
كنت بحاول اعملها قبل كده بس كنت بحس انها مش زي اللي بره وان ناقصها حاجه
انما دي لا زي الجاهزه بلضبط بفضل الله
نبدا بسم الله
اول حاجه هنسلق نص كيلو مكرونه اقلام
واهي شكلها كده
هنجيب طاسه
ونحط فيها زيت
ونسخنها قوي
وننزل بلحمه المفرومه حوالي نص كيلو
وممكن نستعمل اللحمه المفرومه الكدابه اللي في الينك ده
اللي عايزه يبقي عندك لحمه مفرومه كتيره تعالي
المهم هنحمرها في الزيت لحد مالونها يغمق قوي
واهي منظرها كده
هنفرم بصل ونحطه عليها
هنضرب حوالي 7 قوطيات في الخلاط
وهنصب العصير فوق اللحمه المفرمه ,,, ماعدا كوبايه عصير هنشلها علي جنب ,,,,,
واهو شكل اللحمه المفرومه كده
وهنسبها لد ماتتسبك
نيجي بقي للكوبايه اهي
هنفرم شويه توم
ونحط عليهم العصير
وهنسبهم يتسبكو قوي مع بعض كده
وهنجهز حاجه تانيه
توم وخل وليمون وملح وشطه وكمون وشويه مياه
يغلو غلوه علي النار
اهو شكلهم كده
ونحطهم الاتنين علي اللحمه المفرومه بتاعتنا
خليط القوطه ام توم وخليط التوم واليمون
واهي شكل اللحمه المفرومه النهائي كده
ناخد من علي الوش ونحطه علي المكرونه كده
نجيب اتنين فويل
ونحط في القعر اول طبقه لحمه مفرومه
وبعدين مكرونه
وبعدين لحمه مفرومه في النص
وبعدين مكرونه تاني
وبعدين شويه لحمه مفرومه علي الوش
ونغطيهم بلفويل كده
ندخلهم بقي الفرن
درجه حراره متوسطه
من تحت حوالي نص ساعه
وبعدين نشيل الفويل
ونفتح الشوايه من فوق
النتيجه في المشاركه القادمه انتظرونا
مواضيع هذا القسم برعاية
ام عائشه محمد حسام الدين ام عائشه محمد حسام الدين ممنوعة من المشاركة Fatakat 352580 جده – السعوديه