فتوكاتى الحلوين يارب تكونوا بالف خير يارب
النهاردة جيبالكم طريقة سهلة جدااااااااا للازانيا
بطريقة تناسب الجميع المبتدئين والمحترفات
ازاااااااااااااااااااي ؟؟؟؟؟؟؟؟
بفطاير الكريب
اه والله بالكريب وتحفففففففة
والطريقة دي انا فكرت فيها في مرة كنت عاملة فيها كانيلونى
وحسيت انى ممكن انجح والحمد لله عجبت جوزى جداااااا
يالا بقي بلاش رغي ونبدأ بسم الله
لعمل الكريب
بيضتين + كوب لبن + كوب دقيق
ولو احتاجتى تانى هتعملي بيضه ونص كوب دقيق ونص كوب لبن
ذرة ملح
نضرب المكونات في الخلاط كويس
ونبدأ نصب شوية في صينية او طاسة تيفال مدهونة زيت وتكون سخنة
وبمجرد ما تمسك نقلبها علي الوش التانى ثانيتين بالضبط ونشيلها
زي ما في الصورة بالضبط
وهنا بعد ما عملت الكمية كلها
لازم يكون لونها زي كده بالضبط يعنى لون المكرونة لما بتتسلق
وبتكون طرية جدااااااا
المهم اننا نحط اللي تتعمل في فوطة علشان تفضل طرية
والفوطة تمتص كل البخار اللي هيطلع منها
وكل مرة نمسح الصينية زيت
خلصنا الكريب نبدأ في البشاميل بس يكون تقيل علشان الطبقات تكون ماسكة
وطريقته :-
نحمر دقيق حوالي خمس او ست ملاعق في زبدة + زيت
وبعدين نضيف لبن مضاف له شوربة
ولو مفيش شوربة يبقي ضيفي للبن مكعب مرق هيديله طعم كويس
مع انى مبحبش المرقة بس لو مفيش شوربة دي البديل
وملح وفلفل اسود
ونقلب بسرعة علشان ميكلكعش ولو فيه كتل ممكن نضربه في
الخلاط وهو لسة سايل وبعدين نرجعه ع النار تانى لحد ما
يكون قوامه تقيل زي كده
والتكة اللي هنعملها هنا وهتفرق في طعم البشاميل
هنضيف للبشاميل معلقتين كبار جبنة مطبوخة بعد ما يبرد
ونكون معصجين اللحمة
وبعدين نجيب الصينية او البايركس بتاعنا وندهنه بشاميل زي كده
وبعدين نجيب واحدة كريب ونقطعها علي اد الصينية
ولو كانت مقاسها اصغر من الصينية هنقطعها بحيث نرص طبقة من الكريب
وبعدين نحط طبقة بشاميل
وبعدين طبقة لحمة مفرومة
ثم جبنة متوزاريلا
ثم طبقة كريب ثم بشاميل ثم لحم مفروم ثم موتزاريلا
وهكذا اربعة كريب بينهم 3 طبقات حشو
واخر طبقة كريب ياريت تكون شبه سليمة علشان تكون شكلها كويس
واخيرا طبقة كويسة من البشاميل
انا كنت عاملة زيادة فعملت واحدة صغيرة
وبعدين نرش علي الوش جبنة موتزاريلا وندخلها الفرن
ومش هتاخد وقت لان كل مكوناتها مستوية يا دوب
الجبنة تسيح والوش يحمر
يتبع …………
استنونى ………
مواضيع هذا القسم برعاية
ام عمررر ام عمررر 220174_6.gif سوبر فتكات Fatakat 220174 قلب زوجي حبيبي وابني حياتى – و حبي وعشقي لله سبحانه وتعالي