ازيكو يا فتوات انهارده انا جايبه الجزءالتانى من الموضوع
وللى عايزه تشوف الجزء الاول ده اللينك بتاعه
سلسله اعاده تدوير الماكولات ( الكيك البايت تعالى اوريكى عملت بيه ايه بالصور ) متجدد
https://fatakat.univanet.com/#1542174
الموضوع انهارده عن الفراخ اللى بتفضل عندنا والولاد مش بيرضو ياكلوها بارده احنا انهارده هنحولها لشاورمه حلوه وهتعجبكم انشالله
نسمى باسم الله
ده الفراخ اللى عندنا بنفصصهم من العظم ونقطعهم قطع صغيره وكمان نقطع طماطم مكعبات وشرايح فلفل رومى بالشكل ده
ونطلع من الفريزر العلب بتاعه البصل والتوم والفلفل اللى حفظينهم وبنستحدمهم كتيييييييير ولو عايزه تعرفى ازاى ده اللينك بتاع موضوعهم
وقت اقل فى المطبخ واكتر مع عيلتى
https://fatakat.univanet.com/#1379335
شفتو الطبق الصغنونى اللى فى الصوره هنحجز فيه معلقتين ثوم ومعلقتين فلفل احمر وهاقولكم هنعمل بيهم ايه
طب نرجع لموضوعنا نجيب طاستنا الحلوه( اللى رجعناها للخدمه واللى موضوعها هتلاقوه فى توقيعى ) ونحط فيها شويه زيت حوالى معلقتين ونحط عليهم معلقتين من البصل المفروم ومعلقه صغنونه توم وزيها فلفل احمر ونشوح وبعدين نضيف الفلفل الشرايح كده
وبعدين لما يدبل الفلفل نضيف الطماطم عليه
وبعدين اخر حاجه الفراخ ونظبط بقى ملحنا وماننساش الفلفل الاسود والبهارات وبعد ما يغلو سوا غلوه كده نطفى النار ونضيف معلقه خل ابيض ونقلب وبالف هنا
ولان اهم من الشغل ظبط الشغل هههههههههههه فهنقدم معاها سلطه خضراء وباذنجان مقلى ( فاكرين الطبق الصغنون ) بنستخدمه فى تخليل الباذنجان
وبطاطس محمره كمان يالله انشالله ما حد حوش
وده بقى يا فتوكات فينو بيتى ريحه وطعم جنان وكمان بيديكى النص كيلو دقيق حوالى عشره ارغفه من الحجم ده
ومقاديره وطريقته ع السريع كده (نص كيلو دقيق مع دره ملح و نص كوب زيت ومعلقتين لبن بودره ومعلقه حبه البركه حسب الرغبه وخميره منشطه فى كوب بمعلقه سكر وميه دافيه للعجن) وطبعا الفتوكات ماشالله فى قسم المعجنات مبدعات فى طرق الفينو
وبكده ابقى خلصت ويا رب الجزء ده يعجبكم والى اللقاء فى اجزاء تانيه انشالله دمت بخير ويا ريت يا فتوكات اللى يعجبها الموضوع ما تنسانيش من صالح الدعاء وبالخص ادعولى ربنا يصبرنى ويهدينى على شقاوه ولادى
ويهديهم لى يا رب
سلاااااااااام يا احلى فتوكات مواضيع هذا القسم برعاية
ام حور كاتى ام حور كاتى 450855_13.gif مشرفة الموقع Fatakat 450855 القاهره – مصر