ازيكم حبيباااااتى …. وحشتووونى
بصو بقى فطير البيتزا بطريقة سهلة ومفيش اسرع من كدة
واختكوا بقى نار قربك ولا جنة بعدك حامل واعدة جعانة
قولت اعمل فطيرة صغننة على ادى
انتوا بقى اعملوا المقادير حسب رغبتكوا بحجم الفطيرة اللى عايزين تعملوها
نبدا بسم الله
المكونات
1-دقيق .. كوب ونص "الكمية دى بتعمل فطيرة صغيرة ممكن تزودى الدقيق لو هتعمليها كبيرة وكذلك باقى المكونات"
2-زيتون اخضر واسود"حسب الرغبة"
3-بسطرمة"حسب الرغبة"
4-طماطم "2حبة"
5-فلفل اخضر "2 حبة"
6-ملح
7-بيكنج بودر "ربع معلقة"
8-جبنة موتزريلا او جبنة مثلثات
انا عندى موتزريلا بس فى الفليزر وكسلت اطلعها
بس طعمها بيها احلى طبعا من المثلثات
الطريقة
بنجيب صينية ونحط فيها الدقيق والبيكنج بودر
ونحط عليهم نص كوب ماء ونعجن وخلى العجينة سايلة زى الطحينة
لا سايلة اوى ولا ناشفة اوى خليها وسط
وبعدين قطعى المكونات السابقة وحطيها عليها كدة
وبعدين نخلط المكونات كدة
نجيب طاسة بقى ونحطها عالنار وفيها شوية زيت ونوزعة فى الطاسة
ولما الزيت يسخن حطى العجينة كدة
غطى الطاسة بغطا حلة عادى
سيبيها ربع ساعة وافتحى عليها هتلاقيها كدة
جيبى طبق واقلبى الفطيرة فيها متخافيش هتطلع معاكى بسهولة عادى
من غير ماتسيب اى اثر
وتروحى حطة شوية زيت صغننين واقلبيها تانى عالوش التانى عشان الفطيرة تستوى
هتلاقيها بالشكل دة شوفوا طلعت سليمة وزى الفل ازاى؟
حطى عليها بقى شرايح طماطم او صلصة هتبقى احلى
بس انا الصلصة خلصت من عندى
بس اتصرفت وحطيت شرايح طماطم
وشوية زيتون اسود
بس انتوا كتروا شوية اصل انا مليش الاملاح عشان الضغط بتاعى بينهار منى
هتبقى كدة
وممكن انتوا تحطوا جبنة شيدر او ميلكانا
طلعتها بقى وكنت هموت من الجوع وطعمها كان يجنن
شوفوا شكلها
وادى شكلها من جوة ودى حتة لاول فتوكة هترد عليا وتقيم
مواضيع هذا القسم برعاية
♥♥نار قربك ولا جنة بعدك♥♥ ♥♥نار قربك ولا جنة بعدك♥♥ 266043_6.gif فتكات ست الكل Fatakat 266043 اسكندرية حياتى وروحى فيها مع حب عمرى – فى مكان مفيهوش ظلم