بصوا ياحلى فتوكات في احلى مدونة للبنات
انا انهارده جيبالكوا طريقه العيش البلدى سهله جدا وطلعت روعه وانا عملتها عشان اعده في السعوديه وهنا بدوخ عشان القيه اصلا
وطبعا كان عيد الفته وكان لازم نحتفك كالعاده بالفته هههههههههههههههههه فعملته بقه عشان او مازن يحس اننا في مصر يارب نرجعلها بالسلامه قولوا اميــــــــــــــــــــــــــن
المهم انا عملت كميه صغيره عشان لو طلع مش حلو بس والله طلع روووووووووووووووووووعه وعملنا الفته وكان جامد كمان ههههههههههههه يلا نشوف مع بعض عشان متقولوش رغايه
تعالوا نقول المقادير بقه
كوب ونص دقيق اسمر
نص كوب دقيق ابيض
معلقه كبيره خميرة فورية
معلقه صغيره سكر
معلقة صغيرة ملح
ماء للعجن مقدا كوبايه صغيره او علي حسب العجينه ما تتماسك ونحطها شويه شويه
الطريقه بقه
ندوب الخميره في ربع كوب ماء ومعلقه السكر ونغطيها ونسيبها ربع ساعة
ونجهز الحاجه عشان نبدا الشغل بقه
ننخل الدقيق الاسمر والبيض ونخلطهمونحط عليهم معلقه الملح وبعدين نحط عليهم الماء بالخميره قبل ما نحط الميه العاديه عشان متبقاش كتيرونبدا نقلبهم بقه ونحط عليهم الميه بقه ونعجن بس نعد نعجن شوية كتير اهم حاجه بتاع ربع ساعه او اكترعلى اد ما نقدر
ونتركها تخمر بتاع ساعة كدهوهنلاقيه تضاعفت
معلش انا كنت نسيت وقطعت منها قبل ما اصورها
نبدا المفروض نفرش رده عشان نشكل عليها بس انا مكنش عندى رده فشكلت من غيرها مفيش مشكله يعنى ونبدا نقطعها ونعملها كور كده بعدد الارغفه اللى هنعملها والكميه دى عملت خمسه وممكن تعمل اقل علي حسب مانتى عامله السمك بس متخليهوش رفيع اوى ولا تخين يبقي معقول
نسيبها بقه 10 دقايق كده ترتاح
ونبدا نجيب واحده واحده ونفردها كده
ونكمل الباقى
كده تمام هنسيبهم كده كمان نص ساعة ترتاح
وفي الوقت ده نبدا نولع الفرن عشان لازم يكون حامى جدا يعنى شغليه على اعلي حاجه عندك
وقبل ما نحطه في الفرن نحط العجينه نحركها علي ايدينا كده
ونبدا نرص بعد النص ساعه وندخل الفرن
نسيبه في الفرن خمس دقايق بس بس طبعا يكون الفرن حامى جدا بس بعد 3 دقايق نبص عليه وبعد ما يخرج لو عايزينه طري نلفه بقماش وبعدين بعد مايبرد نحطه في كيس ونحفظه لكن لو عايزينه ناشف نسيبه كده وده شكله النهائي
يارب يعجبكم
متنسوش الرد والتقييييييييييييييييييييييييييييييييييييييييييييي يم طبعا
والدعوة بتاعة مازونـــــــــــــــــــــــــــــــــــــــــــــ ــا
مستنياكــــــــــــــــــــــــــــــــــو يا قمـــــــــــــــــــرات
مواضيع هذا القسم برعاية
ميكى85 ميكى85 160583_1.gif سوبر فتكات Fatakat 160583 القاهرة – مصر