اللهم صلى وسلم وبارك على سيدنا محمد واله واصحابه اجمعين
انا ياجماعة شفت موضوع اختنا السرطانة والعقرب بتاع خلية الاجبان وعجبتنى الفكرة وجرىىى عالمطبخ لانى بثق جدا فيها وفوصفاتها وعملتها وطلعت تحفةةةةةةةة وشكلها جميل وكمان زاد شوية فالعجينة فعملتها اشكال زى الكرواسون كده هتشوفو الصور بالنسبة للعجينة هى قالت تستخدمى اى طريقة معتمدة عندك ومتعودة عليها وانا هديكو طريقتى
بس الطريقة دى تحفففففففففففة وسررررر توصلت ليه مراة اخويا حبيبتى بعد صولات وجولات فالعجائن وبجد نتيجتها هايللللة والعجينة بتطلع هشة ومورقة جدااااااا يلا بينا عالطريقة والصوررربس اسمعوووووووو
الى تدخل وتستفاد من موضوعى هزعل منها اوىىىىى لو مقيمتش وكتبت رد حتى لو دعوة حلوة ليا ولمراة اخويا بالستر والصحة وراحة البال يلا بينا
المكونات
4كوب دقيق
كيس لبن نيدو بودرة اللى هو بجنيه
نص كوب سمن
3 معلقة كبيرة ممسوحة سكر
رشة ملح
رشة زعتر
2ملعقة كبيرة خميرة بودر او صوبع خميرة
ملحوظة:لو هتستخدمى البودر تحطيها عالمكونات الجافة
لو هتستخدمى العادية تذابفكوب الا ربع ماءدافئئئ وليس ساخن وملعقة سكر صغيرة وتترك حوالى نصف ساعة حتى ترتفع
الطريقة:
نخلط كله مع بعضه وتتضاف الخميرة ونكمل عجن بالماء الدافئوطبعا كل متعجنى اكتر كل ميبئى احسن لحد متتكون معاكى عجينة طرية جدا ومبتلزقش
انا بعجن حوالى عشر دقايق وبطلعها بئى من الطبق وارش دقيق ع اى سطح عندى واكمل عجن من ورا لادام يعنى كانك بتمطيها كده تحطي العجينة وتفردى الادام وتلميها تانىمن ادام لورا وهكذا لمدة عشر دقايق كمان بعد كده تغطيها وتسيبيها تمر لمدة ساعة فمكان دافى
هتلاقى حجمها تضاعف تعجنيها تانى بايدك مرتين تلاتة كده وابتدى شكلى زى منتى عايزة
فاللية انا عملت كور وحشتيها بالجبن الشيدر ملوط معاه جبن ابيض ومثلثات وطماطم وفلفل وزيتون
وعملت كمان حشوة جبنة بنعناع طعمها رائع
وحشوة تانية بسطرمة وجبن شيدر
وبعد مخلصت ورصيتهم فصينية مدهونة زيت ودهنت وشهم ببيض عليه رشة ملح وفلفل ومخفوق ورشيت رشة سمسم وحبة البركة وسيبتهم يخمر حوالى نص ساعة كمانخبزتهم فى فرن 180 لمدة تلت ساعة تقريبا وبالهنا والشفاااااااا
مش هوصيكو تانى عالدعوات والتقيييييييييييييييييييم
دى خلية الاجبان
ودى الاشكال الى عملتها بالبسطرمة والجبنة بالنعناع
بصو من جوه حلوة وهشة ازاى
يارب اكون قدرت اوصل المعلومة وتكونو استفدتو
منى مواضيع هذا القسم برعاية
جوجى الامورة جوجى الامورة فتكات رائعة Fatakat 348151 عيون حبيبى – قلب حبيبى