السلام عليكم ورحمه الله وبركاته
ازيكم يا احلى فتوكات
بسم الله ماشاء الله المدونة ممتاز وعمتا قسم الطبخ انا
بقيت مستديمه فيه بجد ربنا يباركلم يااااااااااارب
المهم ندخل في الموضوع انا كان عندى شويه دقيق فقولت انا نفسى اجرب اعمل القرص
انا اول مره فعلا في حياتى اعمل قرص
فهقولكم بقا
المقادير هنا
1كيلو دقيق
نص كيلو سمنه ( انا حطيت 3معالق سمنه بلدى عشان تعمل طعم برده)
معلقه صغيره ملح
معلقه صغيره سكر
معللقه صغيره بيكنج بودر
معلقه صغيره محسن خبز
معلقتين صغيرين خميره
كوب لبن دافى
ان حطيت شويه ينسون لان ما كانش عندى لاحبه البركه ولا سمسم
الطريقه
حطيت الاول قبل ما ابدأ الخميره مع السكر مع اللبن كلهم مع بعض في مكان دافى
عشان تخمر ونعرف انها خمرت ازاى لما نلاقى فقاعات والمكونات اضاعفت
زى كدا
بعد كدا جبت الدقيق وحطيت عليه المحسن الخبز والبودر والملح والينسون وقلبتهم كويس
والسمنه بتسيح على النار حطيتها بقا على ادقيق انا ما غيبتهاش يعنى ما قدحتهاش عشان ما تفسدش عمل البودر
وقلبتها بمعلقه الشب وبعدين عجنتها كويس اوى اوى وخليت كل الدقيق اتشرب السمنه
وبعدين حطيت الخميره وعجنتها كويس اوى لعند ما العجينه طريت اوى معايا
وبعدين حطيتها تخمر شويه حوالى نص ساعه
والعجينه بتخمرحطيت شويه سمنه بلدى وفيها بلح عندى سيحته وعملت عجوه
قطعتها حتت كور على قد حجم القرصه الى انا عايزاها وقطعت العجوه برده
كور صغيره واجيب قطعه العجينه واعملها بايد م النص واحط مكانها العجوه
وبعدين افردها بين كفه ايدى
وعملت شكل تانى بس للاسف ماعلش ما صورتوش لان ايدى كانت بتبقى مشغوله
وما اعرفش امسك التليفون
اجيب قطعه عجين واعملها رول وبعدين بططها واجيب السكينه واقطعها قطع طوليه
ودا كمان طبق لاحلى فتوكه هترد وتقيم برده
ايه رايكم ياقمرات يارب تكون عجبتكم
بالله عليكم انا عايزه منكم تدعولى
بس ربنا يباركلى في زوجى وبنتى ويرزقنا من حيث لا نحتسب مواضيع هذا القسم برعاية
مصريه صميمهah مصريه صميمهah 429028_2.gif سوبر فتكات Fatakat 429028 المنصوره – مصر