السلام عليكم ياقمرات
ده مش غرور والله ده انا ياما اتعلمت منكم
بس بصراحه انا بدوق عند قرايبي مكرونه عجيبه وتلاقيها ست شاطره وزي الفل بس تيجي عند المكرونه ومتعرفيش ايه اللي بيحصل
احفظي معايا كده الطريقه او اكتبيها وجربيها وبالله عليكي تيجي تقوليلي النتيجه اديني حلفتك اهو
الطريقه بقي
اكبر غلطه بنعملها
ان احنا بنضيف الصلصه علي المكرونه ونسيبهم شويه علي النار فبتالي الصلصه بتنشف وبيبقي طعمها وحش جداااا
وتاني غلطه بنعملها مبنحطش البهارات المضبوطه بتاعت المكرونه
نقول بقي الطريقه
تسلقي المكرونه عادي مع ملح وزيت
ومتخليهاش تعجن منك انتبهي لها كويس
استوت خلاص اغسليها نص غسله مش جامد علشان النشا دي هي اللي بتخلي الصلصه تلزق في المكرونه
تحطي المكرونه في حله تيفال وتقفلي عليها لحين وقت الغرف
نيجي بقي للصلصه
تضربي يجي حوالي خمس او سبع قوطيات كده علي ربع كيلو المكرونه
مع نص قرن فلفل اخضر كده متخافيش مش هيولع الدنيا قوي ومتصفيش القوطه يافتوكه
تحطيهم علي النار مع حته سمنه كده والبهارات الاتيه ركزي يافتوكه في كل بهار له طعم
……..عود قرفه حبهان مطحون ورق لوري مطحون قرنفل كمون كزبره فلفل اسود وملح ونص معلقه صغيره سكر ……………
انا بطحن الحبهان مع الورق لوري مع القرنقل وبيبقو جاهزين عندي
بعد ما تتسبك القوطه علي النار تضيفي لها شويه مياه تاني وتسبيها تتسبك تاني علي ناار هاااااااااااديه لحد ماتطلع السمنه علي الوش ركزي يافتوكه
لازم تبصي عليها كده تلاقي السمنه علي الوش
يجي بقي وقت الغرف
لو كانت المكرونه بردت تتسخن لوحدهاااااااااا في الحله التيفال علي نار هاديه
اغرفي بقي يافتوكه
هاتي حله تالته خالص
وتضيفي المكرونه وعليها الصلصه وقلبي واغرفي علطووووووول
وادعيلي
انا متاكده انك هتدعيلي بجد
والسلام عليكم
وده موضوع تاني ليه عن المكرونه الفرن زي الجاهزه بلضبط
عنوان الموضوع للنسخ
من مطبخ ام عائشه مكرونه فرن اللي في مطاعم الكشري ياخرابي علي جمالها
https://fatakat.univanet.com/#3002429
والحمدلله كتير جربوها ودعولي
مواضيع هذا القسم برعاية
ام عائشه محمد حسام الدين ام عائشه محمد حسام الدين ممنوعة من المشاركة Fatakat 352580 جده – السعوديه