السلام عليكم ورحمه الله وبركاته
انهرده عملت لازنيا بعجينه الكانيلونى خدت فكرتها من العضوه ميراميرو
جزاها الله خير
اولا انا عملت لحمه عصاج وزودت عليه 2طماطم كبيره مبشوره
وبعدين عملت بشاميل خفيف
انا دايما بعمله كده كيلو لبن على 5معالق دقيق وملح وبس
بيبقى خفيف وطعمه زى الكريمه
الكانيلونى انا عندى طريقه معتمده طول عمرى بعملها
2بيض 2كوب لبن 2كوب دقيق
معلقه زبده وملح بس كده وبخلطهم مع بعض بالمضرب اليدوى
سيبته يرتاح فى التلاجه حوالى نص ساعه
وبعدين جبت جريل عندى ممكن اللى معندهوش يعمله عادى فى طاسه
وحطيت كبشتين كبار
وقلبتها على الوش التانى بالشكل ده
وبعدين دهنت صينيه زبده وحطيت بشاميل كده
وبعدين واحده كانيلونى
وبعدين العصاج
وبعدين بشاميل تانى
هو المفروض يكون فى جبنه موتزريلا بس انا معنديش
وهكذا وفى الاخر البشاميل
وبعدين نهن وشها شويه صلصه عاديه زى بتاعت المكرونه
وكام حته قشطه بالشكل ده
وعلى الفرن لحد ما تتحمر ويارب تعجبكم
وخلاص بعد ما خرجت
مواضيع هذا القسم برعاية
الجنات الخضراء الجنات الخضراء 10048_1.gif سوبر فتكات Fatakat 10048 Alex – مصر