السلام عليكم ورحمة الله وبركاته
مساء حاير طاير جاى من جميع الاتجاهات
على عيون احلى البنات
اعضاء مدونة فتكات هههههههه….
طبعا كلنا بنحب التيك اواى ومين مش بيحبه
النهارده عملت ساندويتشات سى فود
بصراحه تجنن وقولت انزلها لفتوكاتى حبايبى
وباقدمه مع سلطة الكلو سلو وده الرابط بتاعها
يم يم الكول سلو من مطبخى جنان واحلى من كنتاكى وبالصور لعيونكم
رغيت كتير ندخل على الخطير هههههههه
طبعا مع التقيم …. *****
ونقول
الكميه زى مانتى عايزه وممكن كمان تضيفى انواع تانيه
من السمك انا بصراحه باحب دول بس
معلقة كبيره زيت …. ملح
فلفل رومى ….طماطمايه
بصله متوسطه….بهارات سمك
الطريقه:
نقطع المشروم
وكمان الفلفل
والطماطمايه
وكمان البصله
نحط كل اللى قطعناه فى طاسه ومعاهم المعلقة الزيت
ونحطهم على النار ونقلبهم
وبعدين نضيف الجمبرى والسبيط
ونقلبهم كويس مع بعضيهم
ودى صوره اثناء التسويه
ملحوظه :انا مااضفتش مايه خالص
هو نزل مايه لوحده
وبعد السوى تحشى الساندويتشات… والف هنا
بجد رائع خلاص بطلت اشترى سى فود من مؤمن تانى ههههه
وادفع قد كده
وادى الساندويتشات
وباقدمه مع سلطة الكلو سلو
فرق عن مؤمن ايه يعنى الصنيه هههههههههه
وكمان صوره للحبايب
وكمان تانى للحبايب
ودى التوابل المستخدمه وكمان فيه بهارات سمك من عند فتح الله
ممكن تضيفى منها…
تابعونى لسه البسبوسه…
مواضيع هذا القسم برعاية
wima1982 wima1982 240648_5.gif فتكات غالية قوي Fatakat 240648 الاسكندريه – مصر