انا زهقت انا وجوزي من اكل العزومات فقررت اخترع اي اكله عشان اكسر الملل
بصوا عملت ايه
جبن رومي
بسطرمه
بيض
زيتون
رقاق
بطاطس
بصل
طماطم
فلفل اخضر
يالا اجهزو للاختراع
هو المفروض طبعا ان الرقاق يبلل بالشوربه اللحم او الفراخ طبعا دول مجمدين لو موجودين خير
لكن انا عملته بالميه اه بجد
احنا قطعنا البصلتيين في قليل من الزبد واضفنا عليها البسطرمه مقطعه و2 طماطم مقطعين صغير و5 دقائق تقليب ثم البيض حسب الرغبه هما كانوا 3 وده الحشو
نحضر صنيه الفرن وندهنها قليل من السمن ثم نبلل الرقاق وبينه نضع جبن رومي مقطعه وفي المنتصف نضع الخليط السابق وعلي الوجع نضع جبن رومي وزيتون وزبده للاحمرار ونضعها في الفرن
ونقدم معاها بطاطس شيبس واي نوع من المخللات
هي ملهاش اسم غير اختراع يشبع الجعان
ملحوظةلست مسئوله عن النتائج وللاحتياط يرجي الاتصال بالاسعاف مواضيع هذا القسم برعاية
banota_jamila_85 banota_jamila_85 فتكات متميزة Fatakat 589190 egypt – cairo