السلام عليكم ورحمة الله
حبايب قلبى وحشتووووووووووونى
النهاردة هقولكو على طريقة المكرونه البشاميل بالبيض اه بالبيض واكثر من رائعة عشان لو مفيش لحمة مفرومة متزهقيش نفسك والاولاد بيحبوها جدا
بصى يافتوكة منك ليها اللى مش هتقيم هوريها انا هعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟
انا مش هقول دلوقتى ………هههههههههههههههه
الاول هنجيب 3بصلات ونقطعهم صغير وعالنار وفحلة فيها شوية زيت ونقلبهم لغاية ميدبلو ونجيب 3 حبات طماطم وتقطع ونحطها عالبصل برده لحد متدبل ونكون جايبين 7 او 8 بيضات حسب منتى عاوزة وعلى حسب الصينية وتضربيهم كويس بملح وفلفل وتوابل وتصبيهم عالبصل والطماطم وافضلى قلبى لحد متلاقيهم استوو كلهم فبعض زى الشكشوكة كده اكيد كلكو عرفنها وصورتها اهيه لما خلصت
وبعد متتسلق كويس نحطها فمصفة متنزليش عليها ميه بصى انا بقطع عليها حتة زبدة وشوية فلفل اسمر بتبقى جميلة
وبعدين نعمل البشاميل 3 معالق دقيق او اربعة على كيلو الا ربع لبن وملح وفلفل وتوابل وقلبى بق لحد متمسك كده
ونجيب الصينية اللى هنعمل فيها ونحط فيها نقطة زيت وطبقة بشاميل وبعدين
نحط شوية مكرونة فطبق ونقلب عليها جزء من البشاميل
وبعدين اجيب البيض نسيت اقولكو لازم نحط البيض اللى عملناه فمصفة عشان ننزل الميه اللى فيه من البصل والطماطم
هنحطه فوق المكرونة
وبعدين نحط المكرونه الباقيه فوق البيض
وبعدين باقى البشاميل عالوش
ونجيب بيضين ونضربهم ونحطهم علو وش الصينية كده
واتبقى عندى شوية مكرونة وبشاميل حطيتهم فطواجن لمحمد وندى بقى اللى جنونى على مخلصت
وعالفرن ياحلويين
عقبال ميطلعو بقى طلعت الفراخ البانية اللى كنت متبلاه اهوه يابنات
بنتبله بميه البصل ومعلقة توم وزبادى وتوابل فراخ وليمون ونقطة خل
وقلتها بالبقسماط والبيض
وعملت سلطة طحينه بالتوم والليمون والخل والكمون وعلقة دقيق روعههه انا بمووووووووووت فيها
ويلا الصينية طلعت والريحة جناااااااان
اتفضلوووووووووووووووووووووووووووووو
وادى الطواجن
بصو بقى انا طلع عينى على منزلت الصور وعلى مخلصت الاكل اللى مش هيقيم هوريه شغله حرااام التعب ده
ومتقيمش كمان
يلا فى رعاية الله
واللى مش عاوزة تقيم كفايه دعوة حلوة منها مواضيع هذا القسم برعاية
يارب اقبل توبتى يارب اقبل توبتى 566432_3.gif فتكات رائعة Fatakat 566432 طنطا – القاهرة