المقادير:-
_دجاج فيليه
_مكرونة اقلام
_فلفل ألوان
_البشاميل( لبن،دقيق،زبده)
_خلطة الشاورما وفعلا بتخلى طعمها تحفة ( طماطم،بصل،ثوم،زيت زيتون،خل،ملح،فلفل،شطة،زعتر،فلف ل أخضر،لمونة) ونضربهم كلهم فى الخلاط
_علبة زبادى
ندخل فى الموضوع :
اولا :نقطع صدور الفراخ جوليان يعنى شرائح طولية، ونحط عليها خلطة الشاورما اللى عملناها فى الخلاط ونحط عليها علبة الزبادى ونقلبهم ونحطها فى التلاجة يعنى نص ساعة او اكتر ..
ثانيا: نجهز البشاميل ( معلقتين زبده كبار وعليهم زيهم دقيق ونسويهم شوية على النار لما يتغير لون الدقيق وياخد لون دهبى بعدين نضيف اللبن مع التقليب المستمر لما يتقل معانا بعدين نضيف ملح وفلفل اسمر معلش انا نسيت اصور خطوات البشاميل بس ده الشكل النهائى.
ثالثا: نسلق المكرونة فى ماء وزيت ومكعب مرقة دجاج وملح.
رابعا:نطلع الفراخ بقى عشان نسويها(طاسة وفيها زيت زيتزن ونحط عليها الخليط بس منقلبش على طول علشان متطلعش ميه كتير وقرب ماتستوى نضيف الفلفل الالوان ونسيبهم شوه لما الفلفل يستوى بس ميتغيرش لونة.
خامسا: نجهز بقى الصينية ( صينية بيركس وندهنها زيت زيتون وبعدين نحط نص او اكثر من كمية المكرونة بعد ماقلبتها فى نص كمية البشاميل.
وبعدين نحط الشاورما
وبعدين حطيت طبقة المكرونة التانية وغطيتها بالبشاميل وجبنة موتزاريلا ودخلتها الفرن تقريبا عشر دقايق من تحت عشان المكونات تتجانس وبعدين نحمر الوجه
وأخيرا ده شكلها بعد ماخرجت من الفرن
مواضيع هذا القسم برعاية
mory_angel mory_angel 348195_3.gif فتكات ست الكل Fatakat 348195 دمياط – مصر