السلام عليكم ورحمة الله وبركاته
اخواتي الفتوكات الحلوين, النهارده وصفتنا جميله و لذيذه و خطيره ومن الآخر محصلتتش
كان نفسي اوي اجرب اعمل بيتزا ايطالي اللي بتكون رقيقه جدا و طريه في نفس الوقت (حد جرب بيتزا في دلفنتو ؟؟)
وكالعاده قعدت على المواقع الأجنبي لغايه ما لقيت الوصفه التحفه ده
المقادير
3 كوب دقيق
1 كوب ماء دافئ
2 وربع ملعقة صغيره خميره
2 ملعقه صغيره سكر
2 ملعقه صغيره عسل ابيض
رشة ملح
2 ملعقه كبيره زيت زيتون
مقادير الصلصه
معجون طماطم (متسبك مع ملعقة زيت)
رشة ثوم بودره
رشة ريحان مجفف
رشة اوريجانو
الطريقه
نضع العسل في الماء الدافئ ثم الخميره ونتركها 10 دقائق
في وعاء عميق نضيف الدقيق و الملح و السكر و نقلب
نضيف الماء الى الوعاء و زيت الزيتون و نبدا العجن لغاية ما يختلط تماما و تصبح العجينه ملساء, نمسحها بزيت الزيتون و نتركها تختمر ساعه و نصف
هنا بعد لما خمرت و اخدت منها جزء عشان افرده
رشيت تحتها شوية سميد و فردت لغاية ما بقت رقيقه جدا
رشيت شوية سميد بسيط في الصينية
و نقلت العجينه في الصينيه
مسحتها بزيت زيتون
حطيت عليها الصلصه
مش عارفه ليه الصلصه باينه كانها خفيفه اوي بس هيه متسبكه
بصو بقى لحد هنا كلنا ممكن نبقى متفقين, لكن من هنا كل واحد يحط اللي هوه عايزه
انا بقالي 3 سنين هموت على بيتزا بالانشوجه (من غير تريقه) و محصلش ولا مره اني الاقيتها في اي مطعم رحته قريب
و طبعا افتريت و حطيت علبة انشوجه كامله
وزعت الانشوجه و الزيتون علي العجينه
والموتزاريلا المبشوره
و آخر حاجة ومعلش مصورتهاش رشة ريحان مجفف
دخلتها الفرن وولعت عليها من فوق و من تحت 5 دقائق كانت خلصت طبعا لانها رقيقه و مش بتاخد وقت
و ده شكلها بعد ما طلعت من الفرن
وده كمان
شايفين ال crust
رفيعه لكن طريه جدا و كانت لذيذه اوي اوي اوي
بس الصراحه الافترى وحش, المفروض كنت احط ربع علبة الانشوجه عشان بعدها قعدت اشرب كمية ميه
اتفضلوا معايا
يا رب تجربوها و تعجبكوا لانها تستاهل
في امان الله يا قمرات مواضيع هذا القسم برعاية
Muslima Muslima فتكات نشيطة Fatakat 277231 Maadi – Cairo