اهلا بيكم يا فتوكاتى يا حبيبى بصو بقى وبما اننا فتووكات انا مش بحب ارمى لقمة عيش سمعاكى يالى بتقول بخيلة والله هو مش بخل انا بستحرم ارمى اللقمة وانا عارفة ان فيه ناس بتدور عليها فى وسط القمامة وانا عندى ولادى مش بياكلو ظهر العيش ولا العيش بايت ومش بلاقى غير العيش الى ب20 قرش يبقى حرام ارمى الباقى ولا لا يبقى بعمل ايه بلم الكسر النضيفة وضهر العيش والعيش البايت واشيله فى الفريرزر للاستعمال نيجى للاستعمال لو عملت بانيه والولاد طبعا بيبقوا عايزين بطاطس محمرة عندى البنت مش بتحب الرز والمكرونه بقطع العيش وامره فى الزيت واطلعة على ورق تنشيف وارش عليه ملح وتوابل او كارى بيحبوه جدا لانه طبعا بيبقى عامل زى الشيبسى مرة تانيه عشواية خفيفة بعملة جنب الجبتة اى نوع من الجبنة يتغمز بيهعندك شوربة ورز باقيين ومعنكيش لحمة اعملى فته وحطيها علية شوربة عدس فى السقعة دى شغال وقتها اى حاجة هتتعمل جنبة بيبقى تحفة ولو مش عايزة تقلى والطعم يبقى احلى تدهنيه بازبدة وفى صاج الفرن بيبقى اخف واطعم بس لو هتاكليه بالجبنة بلاش تملحيه وبكدة نكون مرمنياش لقمة ومحدش قال الوش ولا الضهر ويارب الموضوع يعجبكم ومستنيه افكاركم وتقيمكم مواضيع هذا القسم برعاية
vinoss vinoss سوبر فتكات Fatakat 404258 القاهره – مصر
سبحان الله و بحمده