فتوكاتى قمراتى
انا بحب اروح بيتزا هت مخصوص عشان خبز التوم والسلطات بحبهم اكتر من بيتزا
لما بروح انا وجوزى بسيبه هو ياكل البيتزا واعيش انا مع عيش التوم والسلطة
المهم النهارده كده طقت فى دماغى وقولت طب ما اعمله فى البيت واجرب هو انا صغيرة ولا خايبه
لا طبعا ده انا فى كل الاكل ولله الحمد جامدة اخر حاجه
المهم مش هطول عليكم انا عملته كده بالظبط وطلع وااااااو جامد طحن ولهى ما تفرقيه عن بتاع بيتزا وكمان اجمد منه
عملت زبدة توم
ودى بتتعمل ازاى تجيبى 4 معالق زبدة وتكونى محضرة اربع فصوص توم مدقوقين جامد خالص
وتقومى حاطه الزبدة عالنار وعليها التوم وتوطى وقبل التوم ما ياخد لون تطفى
الهدف ان الزبدة تاخد مزاق التوم بس وهو نى اوعى تسيبيه ياخد لون
انا بقى عملت افتكاسه عشان العيش او ما طفيت حطيت رشة زعتر محترمة
المهم
جبت التوست الطرى طبعا مش المحمص وبالمعلقة غطيت كل ناحية بالزبدة
كله وراء بعضه لحد ما عملت الكمية انا عملت 6
وبعدين حطيته فى الصنيه وحطيته تحت الشواية اول ما بدات تصفر طلعته قلبته وحطيت رشة مودزريلا ودخلته تانى
وطلعته مش عايزة اقولكم على حلاوته يجنن ويستاهل تجربيه وساعتها مش هتروحى بيتزا هت تانى
على فكرة ممكن يتعمل بعيش فرنساوى كبير وتقطعيه بطريقة مايلة حسب التخانه اللى تحبيها
وممكن بدال المودزريلا تحطى جبنه بارمسان
مع السلامو عليكو مواضيع هذا القسم برعاية
أهلاويه حتى النخاع أهلاويه حتى النخاع فتكات رائعة Fatakat 215131 القاهرة .. المعادى – مصر