انا اتعلمتها من حماتى ولما بعملها انا وجوزى مش بنقوم غير واحنا مخلصين كل الاكل انا مش هاكتب مقدير هبدء فى الطريقه على طول لان كل المكونات من البيت مفيش غير اللحمه بس هى الا من بره يلا نبدء
اول حاجه نعمل تسبيكه وهى طبعا معروفه تتعمل ازاى بس انا هقول برضه نجيب بصله ونحمرها بس منحمرهاش اوى ونحط عليها طماطم معصوره حوالى كيلو الاربع واول ماتتسبك نزودها مايه ونسيبهاتغلى على مانجهز الحمه نقطع اللحمه قطع صغيره قد حبه العنب ونجيب طاسه فاضيه من غير زيت ونحطها على النار ونحط اللحمه هتنزل مايه نسيبها لغايه لما تنزل المايه الا فيها وبعد كدا نحطها فى الطماطم ونسيبها حوالى ساعه الا ربع وكل ماتحتاج مايه نزودها ونغسل رز حوالى كوبيتن رز ونحطهم على اللحمه ونضبط كميه المرقه الا على الارز بحيث ان اللحمه يكون باين منها طرفها بعد ماتقلبى الرز مع اللحمه وبعد كدا نحط الملح والفلفل والكمون وتسيبها حوالى دقيقه على نار عاليه وبعد كدا خففى النار شويه وقلبيها وغطى عليها اول ماتنشف المرقه من عليها نخفف النار خالص زاى مابنلدن الارز ونسيبها حوالى ساعه الا ربع ونسخن حوالى 3معالق زىت ونحطه عليهم وبالهنا والشفا
معلهش طولت عليكم بس باللامانه كتبت كل التفصيل زاى مابعملها بالظبط واى استفسار انا تحت امركم
وفى انتظار رددكم علشان تشجعونى مواضيع هذا القسم برعاية
ام سلمى_84 ام سلمى_84 420381_1.gif فتكات متميزة Fatakat 420381 دمياط – مصر