السلام عليكم ورحمه الله وبركاته
ازيكو يا فتاتيك
النهارده ها قول لكو حاجه ظريفه قوي وصفه واحده ها تمشي معاكي تلات وجبات مختلفه
طريقه الرز البسماتي وديه طريق ثابته اللي بيتغير هو الخلطه اللي بتتحط علي الرزممككن تعمليها بالفراخ
وممكن بالحمه وممكن بالجمبريوكل حاجه فيهم تبقي وجبه مختلفه
اولا الرز
ها تجيبي كوبيتين من الرز تنقعيهم لمده نصف ساعه
وبعدين تجيبي بصليه كبيره تقطعيها وتحطيها في الحله اللي ها تعملي فيها الرز وتحطي عليها الزيت
وتقلبيها لحد ما تصفر مش تحمر اول ما تبدا تصفر ها تحطي عليها
معلقه بهارات كبيره
اتنين عود قرفه خشب
معلقه كبيره كركم والكركم اهم ما في الموضوع
ربع معلقه فلفل اسود وربع معلقه كمون
وملح طبعا
ومكعب فاين فودز اختياري
وها تقلبي كل الحاجات ديه مع البصل وهو علي النار وبعدين تضيفي عليهم كوبيتين ميه وتسيبهم يغلو
بعد الخليط ده ما يغلي ها تحطي الرز يكون مغسول برفق ومتصفي عشان ما يتكسرش وتسيبيه يستوي
ملحوظه
الرز ده مش مفضل انه يتقلب كتير هي مره واحد اول ما تحطيه وبعد ما يتشرب الميه تهدي عليه النار خالص وتسيبيه عشان ما يتكسرش لحد ما يستوي
لو ها تعمليه بالفراخ
ها تجيبي فراخ مخليه من العضم حوالي نصف كيلو
وها تغسيليها وتسيبيها تتصفي كويس
وتجيبي بصله متوسطه ووتقطعيها صغير وتحطيها في الطاسه التيفال وتحطي عليها زيت بسيط وتقلبيها لحد ما تدبل تحطي عليها الفراخ وتقلبي بالراحه وبعدين تحطي عليها
فلفل اسود
ومكعب فاين فودز
وتفضلي تقلبيهم لحد الفلراخ ما تقرب ع السوي تحطي حوالي ربع كيلو فلفل الوان
احمر واخضر واصفر ولو حابه تزودي الفلفل بيدي طعم وشكل حلو اوي
وتقلبي المكونات كلها عالنار لحد وا تستوي
وعلي فكره الفلفل بيتحطفي الاخر عشان يكون نصف سوي ده افضل كتير
بعد ما يستوي
ها تحطي الرز في طبق التقديم وتحطي علي الوش خلطه الفراخ وبالهنا والشفا
لوها تعمليها بالجمبري الرز بنفس الطريقه والجمبري بنفس طريه الفراخ وممكن تحطي معاه سبيط بيكون حلو جدا بسبس ما تسويش الجمبري زياده عن اللزوم
بالحمه بقي ها تقطعي البصله وتحطيها في مقليع عميقه شويه تتشوح وبعدين تحطي مكعبات اللحمه فيها وتقلبيها وبعدين تحطي عليها ميه وتغطيها وتسبيها لحد ما تستوي وبعدين تضالفلفل الالوان والبهارات والملح بس كده
معلش انا طولت عليكو بس كنت حابه اوضح الموضوع
واللي حابه تسال اي سؤال انا تحت امرها
سلالالالالالالالالالالالالالالالالالالالالالالام مواضيع هذا القسم برعاية
ام يوسف ومريم ونور ام يوسف ومريم ونور 153880_1.gif فتكات متميزة Fatakat 153880 القاهرة – مصر