السلام عليكم ورحمه الله وبركاته
ازيكم يا احلى اصحاب يارب تكونوا بخير وصحه ودفيانين فى البرد ده
النهارده اول مرررة طبعا انزل موضوع فى قسم الطبخ عامه فحاسه انى عامله عمل عظييم جدا
تعالوا معايا اوريكوا عملت ايه
المقادير
جمبرى متقشر ومتنضف من الظهر ومغسول طبعا
توم
كمون
ملح
فلفل
عصير ليمون
معلقتين خل
دقيق
بيض
بقسماط
اسياخ خشب منقوعه ساعه فى ماء
الطريقه
نطحن التوم والملح والكمون والليمون والخل والفلفل الاسود فى المطحنه ونتبل بيه الجمبرى قبلها بليله عشان يشرب كل التتبيله وبيبقى طعم رااائع بجد
وبعد كده نجيب الاسياخ الخشب نرص الجمبرى فيها بس ناخد بالنا ( انا قصيت حته من السيخ عشان يدخل فى الطاسه لما اجى اقلى )
وده بعد محطيناه فى الاسياخ
بعد كده ايه نحطه فى الدقيق وبعدين البيض ( عليه فلفل اسود وحبه لبن صغننين ) وبعدين البقسماط زى كده
وهنا بعد مخلصتهم كلهم بس خليت شويه شويتهم فى الفرن
وبعد كده هنقلى فى الزيت الغزير وطبعا يكون سخن وبعدين نهدى عليه النار وهيكون عندنا احلى جمبرى والله طعم جميل جدااا
ودى صورة كمان من قريب ( معلش اول مرة انزل موضوع طبخ ففرحانه بنفسى شويه ههههههههه)
ودول بقه الحبه اللى حطيتهم فى الفرن حطيتلهم رشه زيت ودخلتهم الفرن وبقوا كده
وبس كده انا خلصت
وبقالى يومين عايزة انزل الموضوع وكل مكتبه يتمسح والله بس الحمدلله تم بخير
رحبوا بأختكوا بقه فى المطبخ الفتوكى ومتكسفونيش
وهعمل زيكوا واقول التقييييييييييييييم
لو الصور مش ظاهرة فى الموضوع ياريت تقولولى اصلى اول مرة انزل صور فى المدونة مواضيع هذا القسم برعاية
حبيبتى ماما حبيبتى ماما images/avatars/peppers.jpg فتكات غالية قوي Fatakat 28193 اسكندريه – مصر