السلام عليكم
اسهل وانظف طريقة للفسيخ وكلي من غير روايح زفرة وكمان من غير تعب معدة
يعني صحي اكتر لان في ناس كتير بتفتح وتاكل على طووووووووووول دا غلط
ندخل في الصور
اولا نضع الفسيخة في كيس وبسكينه كبيرة نقشر القشور كدا مفيش حاجة هتطير برة ولا هنوسخ المطبخ كله واحنا بنظفه ونلبس جوانتي ابو جنية دا بس انا مكانش عندي ساعتها
طبعا بتفرشي جرانين وفوقهم كيس اسود كبير من بتاع الباسكيت
هنا خلصنا
نلف الكيس اللى فيه القشر ونرميه
وبمقص السمك
هشيل الشوك اللى في الجمب والراس
هنا انا شيلت الراس خالص وبفتح البطن
وهنا نظفت البطن بالسكينة
انا قصيت بالمقص النحيتين اللى تحت في الزعنفة وهشن السلسله للأخر
كدا تمام
نروح نشطفها بقى تحت المية
نجيب برطمان زجاج نحط فيه شويه زيت وعليه ليمووووووون كتيرررررررر وحبة خل وشويه شطه ونقلبهم ونحط الفسيخ ي الخليط
ونرجهم بحيث يتقلب كله ونحطه ي كيس ونحطه ي الثلاحة اقل شئ ساعتين انا باكله تاني يوم ويبقى جاهز للأكل ممكن يقعد بقى في الثلاجة كدا اسبوع اسبوعين عادي وممكن اكتر مهو محفوووووووظ ولا يحصلة اي حاجة
ليمي بقى الحجات دي لفيها في بعض وارميهم وعلى فكرا البرطمان انقعيه في ماية سوخنة وشويه كولور وصابون وهيبقى فوله ولا ريحة ولا اي حاجة
حطي بقى شويه بن في ايدك ايوة بن ومعاهم كريم ايد او ميه ورد لما تبقى عجين كدا وادعكي ايدك كويس وبعدها بالصابوون وخلاااااص مفيش ريحة في ايدك وعلى فكرا بتنعم الايد كمان
سلااااااام يا بناتيت
مواضيع هذا القسم برعاية
mimooo1111 mimooo1111 423893_4.gif فتكات ست الكل Fatakat 423893 بلطية اسكندرنية متجوزه في المحلة – مصر