ازايكم يا فتوكاتى انا الصراحة بمووووووووت فى الرنجة وبتفنن فى عميلها وسفرتى فى شم النسيم لا يعلا عليها تعالوا اقولكم ازاى
الطبق الرئيسى
1- تورتة الرنجة
ودى اقتباس من تورتة السيمون فيمية اللى كتبت عنها قبل كدة والصراحة بالطريقتين حلوة اوى وكل اللى يدوقها يتجنن من حلاوتها ولو عايزة تقراى طريقتها بالسيمون فيمية ارجعى لللينك
https://fatakat.univanet.com/#639556
نيجى للطريقة
حنحتاج قطع رنجة مخلية صغيرة
توست ابيض
لبنة
مايونيز
كيرى
وللتزيين طماطم وفلفل رومى بجميع الالوان
تقطع اطراف عيش التوست ويرص فى صينية التقديم بحيث يكون قاعدة متراصة للصنية
تضرب قطع الرنجة والجبنة الكيرى فى الكبة اللى ان نحصل على القوام الكريمى
نبدا نحط خليط الرنجة والكيرى على التوست ثم نحط طبقة توست تانية وبعدين خليط الرنجة ونكرر كدة لغاية 6 طبقات
وبعدين نخلط اللبنة والمايونيز جيدا والجبنة الكيرى لغاية متكون كريمة نضعها على طبقات التوست والرنجة من فوق وعلى الجوانب كانها تورتة وبنغطيها بالكريمة
نضع التورتة فى التلاجة لغاية الكريمة لما تجمد وقبل التقديم نزينها من فوق بالطماطم والفلفل الرومى
2 – صينية الرنجة
المكونات :
عصير طماطم
بصلة مفرومة ناعم
فلفل رومى مكعبات
فلفل شطة مكعبات
رنجة قطع صغيرة
بطارج مقطعة
الطريقة :
تشوح البصلة لغاية متدبل بس مش تصفر ونضيف ليها عصير الطماطم والفلفل الرومى والفلفل الشطة ونسيبهم يستوا كويس على النار وبعد كدة نضيف الرنجة والبطارج ونسيبها على النار لمدة 5 دقايق وبعدين نحط الصينية فى الفرن لغاية لما الوش يحمرالسلطات
1 _ شرائح رنجة مخلية وعليها زيت زيتون وليمون
2_ قطع رنجة صغيرة نضيف عليها طماطم وفلفل رومى وخيار مقطع مكعبات ونحط عليهم زيت زيتون وليمون وطحينة
3 – تعملى سلطة طحينة عادية وتضيفى عليها معجون الرنجة والكيرى
المقبلات
جاتوة سوارية رنجة
قطع توست ابيض واسمر مقطعة على شكل دوائر ومثلثات واى شكل تانى تحبية زى القلوب او النجوم
معجون الرنجة بالكيرى
جبنة رومى مبشورة
صوص الباربكيو
طماطم شيرى
مكعبات طماطم وفلفل رومى
نحضر قطعة توست ولتكن على شكل دائرة ونحط عليها معجون الرنجة وبعدين نحط دائرة توست من فوق ( ممكن التوست التحتانى يكون توست ابيض واللى فوق يكون توست اسمر او يكونوا الاتنين من نفس اللون وانتى وزوق ووممكن تشكلى تعملى شوية بالتوست الابيض وشوية بالاسمر وشوية مكس )
وبعد منحضر قطعة الجاتوة ممكن تزينها باكتر من شكل
1 – ترشى عليها الجبنة الرومى المبشورة وتحطى صوص الباربكيو تحطى على شكل خطوط مائلة
2 – تحطى الجبنة الرومى وقطع الطماطم والفلفل الرومى
3 _ ترشى الجبنة وتحطى الطماطم الشيرى فى خلة مع الفلفل الرومى وتغرسيها فى قطعة الجاتوة
واتمنى تكون سفرتى عجبتكم ومستنية ردكم مواضيع هذا القسم برعاية
ام جوجو العسولة ام جوجو العسولة 252376_1.gif برنسيسة فتكات Fatakat 252376 عايشة فى حلم ان جوجو تبطل ترجيع وجوزى ربنا يشفية – مصر