اولا نشترى الفسيخ الكيلو عندنا ب 25
وبعده كده ننشفه بمناديل ونفره على ورق وكل كام ساعه نقلبه على جهه التانيه ونغير الورق اللى تحته
لحد يومين هتلاقيه ناشف وماسك نفسه
الخطوه التاليه برضه خاصه بالتنشيف
يصفى اى دم او سوائل بوضعه فى المصفاه ويارب تكون الصورة موضحه ولو مناديل ورق اكبسيها فى الخياشيم عشان تمتص اى سائل
خطوه مهمه جدا جدا بع كده يعنى بيكون مر حوالى 48 ساعه بتطريه يعنى ايه تمسكيها بطريقه عكسيه وتبططيها مش نايمه لا واضغطى عليه عشان اللحم يكون كريمى مش ماسك فى بعضه
وبعد كده التمليح ودى سهله بتجيبى ملح خشن وشطه حمرا وتحشى الخياشيم مش كتير حسب انتى عايزه حادق ولا عادى
ونحطه فى كيس جوا كيس ونرش ملح وشطه بين بعضه
وبعد كده
وما زال الاللف مسمرا يعنى تكتمى انفاسه
وبعد كده حطيه فى مكان دافى انا مثلا حطيته فى فرن الخبيز طبعا مكنش فيه خبيز وبعد 5 او7ايام فتحت عليه
وكانت النتيجه
طول عمرى كان نفسى اعمل الفسيخ وبوظت سمك بورى بالهبل بس اخيرا الحمد لله طبعا انا دورت على النت كتير وسالت كتير بس ديه انجح طريقه وصلت لها كانت غ فى مدونة واحده جزاها الله خيرا منزلها فجربتها وصورت تجربتى الخاصه وحبت افيد زى ما هى فادتنى ن من غير ما تعرفنى مواضيع هذا القسم برعاية
gg عبد الرحمن gg عبد الرحمن فتكات نشيطة Fatakat 1099142 بلاد الله – مصر