الرز البنى مع السمك المقلى عند نعمة من ربى 2024.

اكلتنا انهاردة سمك مقلى كل وبرقلى ههههههههههه ومعاه الرز البنى

اكيد كلكم شطار وزى القمرات لاكن حبيت اقولكم على تتبيلة السمك

بتفرق كتير فى الطعم وتاكة تانية قبل القلى نشوف صورة وبعدين نكمل

شايفين شكله مقرمش وناشف ومش شارب زيت وطعمه تحفة بجد

{1}2 كيلو سمك بلطى

{2}فلفة خضرة

{3}راس توم مفروم

{4}معلقة كبيرة كمون

{5}بهارات سمك

{6}ملح {شطة حسب الرغبةْ}

اولا ننضف السمك كويس جدا ونقص الزعانف ونشيل القشور ونفتح بطنها ونضفها ونغسلها كويس جدا وبعدين نغسلها بماية الرز عشان بتشيل اى ظفارة او بقايا دم من السمك وبعدين نرجع نشطفه كويس جدا

نجهز التتبيلة وهى ندق التوم والفلفل والملح والكمون والشطة حسب الرغبى مع بهارات السمك ولومش عندك تحطى كزبرة ودة شكل علبة البهارات

ونفتح السمك ونتبله ونعمل شق فى الجنب صغير نحشيه تتبيلة

عشان السمكة تكونة متبلة كويس وفى نفس الوقت تتحمر كويس

نتيلها من قلبها بالشكل دة

وهنا حشيته فى الفتحة الجانبية ونسبيه ساعة فى التتبيلة وبعدين

نقدح الزيت ونحضر الدقيق ونتبل السمك فى الدقيق وقبل مانحطه فى الطاسة

نرشه ببخاخة الماية عشان يقرمش ودى معلومة من حبيبتى جوجو نونو وفعلا كلامها صح

ونزلها فى الزيت تتحمر من الناحيتن وتطلع على ورق نشاف

وكدة بعد ماتقلى وبالهنا عليكم

نعمل بقى الرز البنى بس الاول ماتنسوش التقيم ياقمرات

الرز البنى

مقاديرة

{1}نصف كيلو رز او حسب ماتحتاجى

{2}بصلة كبيرة

{3}ملح وكمون وفلفل

{4}معلقين زيت كبار

{5}ماية ممكن كوبايتين قابلين للزيادة او النقصان حسب كمية الرز

الطريقة

بغسل الرز لحد لونه مايكون ابيض زى الفل

وابشر البصلة واحمرها لحد لونها مايكون بنى غامق ماتخافيش مش هتتحرق منك

انزل عليه الماية

ولماتغلى اضيف الملح والفلفل والكومن وانزل الرز فيه

الماية تغطى الرز بسنتى ونغطى عليه لحد مايشرب مايته نوطى النار على الهادى خالص لحد مايستوى

وبعدين نغرفه فى الاطباق وبالف هنا

اتفضلو ا ياقمرات وماتنسوش التقيم

ودة لينك الذ واشيك طبق سلطة

https://fatakat.univanet.com/#3880911 مواضيع هذا القسم برعاية

نعمة من ربى نعمة من ربى 572666_3.gif Fatakat 572666 كفر الشيخ – مصر

سبحان الله و بحمده