السلام عليكم يا قمرات
النهارده جبتلكم السمك المشوى بطريقتى يارب تعجبكم
ندخول فى الموضوع
المقادير
4 كيلو سمك بلطى حجم كبير
خدو بالكم من الصوره ومش عاوزاكم تتخضو شوفو عين السمكه صحيه ازاى وبعد كده حصل فيها ايه…اللى حصل فيها ان وقت ما نيجى ننضف السمك ننقعه شويه فى مايه وخل وملح علشان الزفاره تروح منه فالخل بيعمل لون ابيض على العين ويخليها مخيمه وعاوزاكى تاخدى بالك من الصور
هنا بعد ما نضفت السمك وقبل ما انقعها فى الخل والملح والمايه وطبعا مش بشيل القشور الخارجيه علشان ده سمك مشوى
وده شكلها بعد النقع
مقادير الحشوه
4 قرون فلفل اخضر -2 بصله كبيره- حوالى 4 او 5 حبات طماطم -بقدونس وكرفس-4 فصوص توم كبار-ملح وفلفل وكمون- عصير 4 ليمونات-رده للشوى ممكن اضافة قرن فلفل حامى حسب الرغبه(معليش نسيت اصور التوم والفلفل الحامى فى المقادير)
وده قلب السمكه بعد ما غسلناها وهنبتدى نحشيها
وهنا حشينا السمك واكبسيه بالحشوه كويس ومتخفيش مش هيقع وانتى بتشوى
وهنا قلبناه فى الرده
وهنا نحط الصاجه على اكبر عين فى البوتاجاز ونسخنها كويس ونرص عليها السمك
وهنا قلبناه على الناحيه التانيه وخدى بالك وانتى بتشوى تضغطى على الجانب اللى فوق اللى مش مفتوح علشان يستوى
وهنا بعد ما استوى وطلعناه فى الطبق نرش عليه رشة ملح ونعصر عليه ليمون ونغطيه بورق فويل علشان يتشرب
نغطى بالفويل
يتبع الارز الصياديه والشكل النهائى للسفره مواضيع هذا القسم برعاية
فتوكه مصريه37 فتوكه مصريه37 216201_3.gif فتكات ست الكل Fatakat 216201 القاهره – مصر