تعالوا يا فتوكاتى انا عزماكم على الغداء بتاعى النهارده
بما انه ريجيم فى ريجيم خليت البيت كله يأكل ريجيم ههههههه
كان جوزى جايب تشكيله اسماك وجمبرى عملت
منهم السمك البورى والسمك الدنيس
والجمبرى وشيلت الباقى كان سمك موسى وجمبرى برضه ودنيس
المكونات زى ما انتم شايفين
سمكه كبيره دنيس حوالى كيلو
و2 عدد سمك بورى
وحوالى كيلو جمبرى
سلقت الجمبرى عادى بالماء والبصل والفلفل
والكمون
بس
انما السمك علشان يستوى كويس والتتبيله تتغللغل فيه
عملت فيه شقوق زى ما انتم شايفين برضه كده
وهنا دهنت الصينيه بزيت الزيتون طبعا
لزوم الدايت بقى
وتركتهم حوالى 3 ساعات فى الثلاجه
يتبلوا كويس جدا
وبعدين دخلتهم فى الفرن حوالى نص ساعه وفى الاخر قلبتهم على كل وش 10 دقايق
وفتحت الشوايه من فوق وادى النتيجه بعد الطلوع من الفرن
وهنا بقى التكه بتاعى والسر الخطييييييير
فى الطعم الرائع
للسمك المشوى
وهى عباره عن
فلفل رومى
كسبره خضراء
ملح كمون ليمون
وشطه
وتوم مفروم
وخل تفاح
وكله فى الكبه نفرمهم فرم ناعم
وتبقى زى كده بالضبط
وهنا لما السمك يطلع من الفرن وهو سخن احط عليه التتبيله دى واغطيه بورق فويل واتركه نص ساعه
واحلى طبق ارز للسمك
وهنا بقى الجمبرى اكلت 3 بس علشان الدايت
واحلى شوربه فسفور ولونها برتقالى خطير ولا الريحه بقى
والطبق ده لاول واحده ترد
ارجوا التقييم
مواضيع هذا القسم برعاية
ام سما وبودى ام سما وبودى 17156_16.gif برنسيسة فتكات Fatakat 17156 مصر – مع احلى اخوات فى الله