ازيكو ازيكوا يا اللى احنا دايما عندكو
عاملين ايه
بصوا من اولها كده كل واحده تجيب قرص اسبرين
وكوبايه شاى وتشربهم لاحسن صاحبتكم راغايه شويه
وبتلد وتعجن كتيير بالعربى كده خالتى بمبه
اه انا حزرتكم اهو ماحدش يقولى ما نبهتيش ليه
شوفوا بقى انا وجوزى وولادى من عشاق الجمبرى
بنموت فيه بس علشان اعمله فى البيت كان دايما بتقابلنى مشاكل كتيير يعنى يا اما يطلع مجلد وبيشد يا يبقى ناشف
يا اما بيسح فى الطاسه وهو بيتقلى
مع انى والله كنت بعمله خلطه حلوه اوى توم وفلفل اخضر وبصل وكمون وليمون وملح وخل يعنى ما حرمتهوش من حاجه لعبته كل الالعاب وسألت جبابرة المطبخ وبرضوا مفيش فايده
لحد ما المحروس جوزى زهق منى وقالى سيبك انتى بقى من الشغلانه دى
وكنا اما نحب ناكل جمبرى كان يعزمنا بره وندفع فاتوره اد اكده لحد ما فى مره كنا بنتعشى بره وخدت بعضى ودخلت على الشيف فى المطبخ امال كنتوا عايزنى اسيب بعضى ولا ايه المهم حكتله الماسأه اللى انا فيها
وبينى كده صعبت على الراجل وقالى على السر اللى هو ايه
بصى يا قمر انتى هتجيبى الجمبرى وتحطيه فىمصفى وتغسليه كويس اوىوتسبيه اما يتصفى زى كده
وبعدين تأخديه غطس فى الدقيق كده بدون ملح او كمون او اى حاجه خالص اوعى تحطى عليه حاجه الشيف قال كده
الجمبرى ربنا خلقه مش بيحتاج اى توابل
وبعدين بالمنخل اومصفاة الرز وتنخليه كويس
لحد اما كل واحده تبقى لوحديها كده
وبعدين فى زيت غزير بس مش اوى يعنى
وتقليه
وده شكله النهائى
وعملت معاه رزسمك
ومنذ ذلك اليوم ومنذ تلك الليله
وجوزى ما عملاهاش تانى وعزمنا
على سمك بره
يظهر يا اختى الراجل ما صدق
اصل الرجاله على راى
احمد مظهر
خونه
اسيبكم انا بقى علشان الحق اخد اسبرين يا اختى ايه الرغى بتاعكم ده
اه يا ريت تقيموا علشان انا النت عندى بطىء وبقالى ساعتين بكتب فى الموضوع
نسيت اوريكم باقى المونيه
كان فيه سمك شوفتوا سبحان الله
وده شكل التربيزه
قبل عملية النسف
مواضيع هذا القسم برعاية
بلقيس الجاحد بلقيس الجاحد 285766_6.gif سوبر فتكات Fatakat 285766 الفيوم – مصر