السلام عليكم
اول موضوع ليا فى قسم المطبخ يا ريت الاقى تشجيع و تقييم من اللى يعجبه الموضوع
اول حاجة تشترى أد كيلو سمك سالمون او حسب العدد و تخلى الراجل ينضفه اسهل لك او تنضفيه انتى بالشكل ده و بعدين تنقعيه فى ميه بملح و تسيبه ان شا الله نص ساعة
و بعدين تمسكيه تدعكيه من جو بملح و فرشة سنان خليها مخصوص للسمك لحد ما يبقى مفيش اسود خالص جوه انا بعمل كده دايما مع اى سمك
و بعدين هاتى الصينية اللى حتشتغلى فيها على طول بدل ما توسغى ميت حاجة
قطعتى طماطم مكعبات كبير شوية عشان مش تتهرى فى التسوية
و بعدين فلفل و شيلى منه البذر اللى جوه
و بعدين لمونتين ترانشات و كمان لمونتين تعصريهم و خلى قشرهم فى الصينية برضوه
[IMG]
[/IMG]
و بعدين بصل مكعبات زى الطماطم و ممكن يبقى بصل اخضر و ممكن تضيفى زنجبيل اخضرى تقطعيه اد عيدان الكبريت
و بعدين بقه حطى الملح و كترى الكمون و حطى البهارات و توابل السمك اللى تحبيها و شوية زيت ذرة و أد نص كوباية ميه
و بعدين تحشى السمك من قلبه و تبليه من الصوص من فوق و تحت
و بعدين ترصى السمك فى الصينية بالشكل ده
و بعدين تدخليها الفرن و تسيبها اد ساعة الا ربع على نار متوسطة لحد ما تبقى بالشكل ده و احلى حاجة يبقى فيها شوية صوص بيبقى طعمه جميل
و قدميه بقه مع طبق سلطة بالشكل ده و تتاكل بالعيش
حقيقى رائعة
ممكن تنفع برضوه بسمك التونة او البورى او اى سمك تحبيه مواضيع هذا القسم برعاية
engineer_samia engineer_samia 41192_2.gif فتكات ست الكل Fatakat 41192 الرياض – السعودية