السلام عليكم ورحمة الله وبركاته
اخواتي حبايبي يارب ما تكسفوني واللي تعرف تفيدني لاحسن انا مش عارفه كده الفسيخ باظ ولا لا
انا اول مره اعمل فسيخ في حياتي وكانت الطريقه قالتلي عليها واحده من رشيد محترفه في الفسيخ وانا دلوقت مش عارفه اوصلها علشان اسألها
فقلت مفيش غيركم هتفيدوني
انا عملت الفسيخ يوم الثلاثاء اللي فات
جبت السمك بوري طازج 2 كيلو سمك متوسط وغسلته بميه فاتره من الحنفيه كويس اوي والخياشيم كمان ورحت معلقاه من ديله والطريقه دي شوفتها هنا في فتكات علشان يصفي الميه والدم اللي فيه
وبعد لما نشف وحجر كده
اتكيت عليه بايدي علشان يطري
وبعدين حطيت عليه حوالي تلت تربع كيس ملح
قسمتهم علي قسمين
قسم حطيت عليه شطه وفلفل اسود وهي الست اللي قالتلي كده علشان الرطوبه تتسحب منه وما يدودش
وحشيت بيه الخياشيم كويس اوي
والقسم اللي باقي من الملح حطيت عليه كركم حبه صغيرين علشان الريحه بتاعة الفسيخ وحطيته بين طبقات الفسيخ
وبعدين رحت حطاهم كيس جوا كيس حوالي 6 اكياس وبعدين حطيتهم في علبة تلاجه وحطيتهم في فرن البوتوجاز
طبعا تاني يوم وتالت يوم ما جتش جنبه وكان مطلع ريحه وحشه اوي
وقلبته الناحيه التانيه اول امبارح
النهارده بقي جايه اشوفه علشان اقلبه
ليقت الكيس منفوخ جدا وحاسه ان الفسيخ كمان منفوخ من جوه بس انا مرضيتش افتح عليه علشان ما يبوظش مني
وكمان حاسه الكيس تقيل اوي
هو ده بقي طبيعي ولا ايه
وافتح عليه امتي
انا خايفه لاحسن يدود ولا يطلع مش حلو وبعدين رحته مش فسيخ خالص ريحته مش ظريفه
بالله عليكم اللي انا عملته كده صح ولا غلط واعمل ايه
فيدوني الله يجعله في ميزان حسانتكم وما تبخلوش عليا بالرد مواضيع هذا القسم برعاية
عمر نور عيني عمر نور عيني 511722_1.gif فتكات هايلة Fatakat 511722 كفر الشيخ – ام الدنيا