مسا الخير عليكوا
كل سنه وانتم طيبين
التوم الاخضر موجود دلوقتى وبكتره ورخيص ال4 كيلو ب10جنيه
انا جبت ب 10ج وعملولى برطمانين يعنى 2 ك بينفعنى لما اكون مستعجله وكمان لما الناشف يفضى عندى فى اخر السنه الاقى الاخضر استعمله لان التوم الناشف ساعتها بيبقلى الكيلو ب20ج علشان كده عملت 4 ك بس
نبتدى بسم الله
نغسل التوم كويس من التوم ونصفيه
نقطعه ونحطه فى الكبه مع شويه ملح صغيرين علشان ينعمه
بقى ناعم ازاى
حطيته كله فى الصينيه ومعاه شويه زيت وقلبته وطبعا احنا حطين ملح
نعبيه فى برطمان نضيف وعلى وشه شوية زيت وع الفريزر
وحطى البرطمان فى كيس اسود واربطيه علشان مايطلعش اى ريحه فى الفريزر وبيفضل طول السنه زى الفل ومش بيغير لالون ولاطعم ومش بيتجمد فى بعضه علشان الملح والزيت باخد منه بالمعلقه عادى وارجعه الفريزر تانى وبعامله معامله الناشف فى كل حاجه
وعلى الفكره التوم الناشف طبعا اطعم فى الاكل بكتير
السلام عليكم
مواضيع هذا القسم برعاية
مدام انتكه مدام انتكه 1197335_2.gif فتكات نشيطة Fatakat 1197335 المنصوره – بيتى جنتى
سبحان الله و بحمده