انا ياجماعة بجد زهقت من موضوع اطبخ اية كل يوم والمشكلة انى بعمل اكل يقضى اليوم وبس لانى مش بحب اكل اكل بايت
وزهقت من كل الأصناف اللى بعملها مع انى بحاول انوع على قد مقدر
هقلكوا الحاجات اللى بعملها واللى عندها حاجة جديدة بتعملها ومجرباها ياريت تفيدنى بجد
بطاطس محشية لحمة مفرومة
صينية بطاطس بالفراخ او اللحمة
مكرونة بشاميل
مكرونة بالصلصة وكباب حلة بالبصل
فتة عدس وشوربة عدس
محشى
جلاش باللحمة المفرومة او رقاق
فتة ولحمة محمرة ولسان عصفور
رز وخضار (فاصوليا -قلقاس -بسلة- سبانخ-بطاطس-لوبيا)
كانيلونى بحشوات مختلفة
بيتزا
شاورمة وبانيه وشيش طاووق وكفتة فراخ
كفتة وعيش وشيبسى
كشرى
كبدة اسكندرانى
رز معمر مش بيطلع حلو اوى بس بعمله
فراخ مشوية فالفرن ومعاها مكرونة
مكرونة وبطاطس مقلية وبيض محمر
كشرى اسكندرانى
حواوشى
السمك طبعا مقلى ومشوى مع الأرز البنى والسلطة الخضرا
الباتنجان جوزى مش بياكله وقليل اما بجيبه هو والقرنبيط باكلهم عند ماما
ها مين هتقولى اية الاكلات اللى بتعملها ؟؟ مواضيع هذا القسم برعاية
be white be white فتكات متميزة Fatakat 1062600 ميت غمر – مصر