السلام عليكم ورحمة الله وبركاته
انا النهارد عملت ممبار وطلع مش مضبوط
قلت اجى اقولك على حكايتى مع الممبار
اول حاجة اشتريته وقلت للراجل ينضفه
لكن للاسف منضفوش حلو وكمان الدهن اللى بيبقى من الخارج ده فى حاجات صفرا وبواقى اكل
مما ادى الى
انى شلته كله وبقى خفيف جدا
تانى حاجة انا حشيته رز التموين الفلبينى وده اول مرة اعمله ومكنتش اعرف انه بيزيد اوىىىىىىىىىىى
ودى تانى حاجة غلطت فيها لان لازم الرز ميبقاش كتير جوة الممبار وخصوصا الفلبينى
وتلت حاجة بقى انى سلقته الفجر وطفيت عليه ورحت نمت
ودى بقى ماساة لان طبعا السخونية بتاعة الشوربة سوته زيادة
يعنى اول ما تسلقيه طلعيه فى مصفى عشان ميتهريش
ونتيجة لما سبق
الممبار معظمه اتفقع
و دى جزاء اللى ميسمعش كلمة ماما
والمشكلة بقى انى لا بحب الممبار ولا بطيق ريحته وطول الليل واقفة انضف واحشى وفى الاخر يطلع كده
عاجبكوا كده
انا عشان بحبكوا قلت اجى واقولكوا
عشان تاخدوا بالكوا كلكواشعر شعر مش اى كلام
اى سؤال اى خدمة انا موجودة يا ردالة
مواضيع هذا القسم برعاية
امة الله المحبة لله امة الله المحبة لله images/flowersavatars/avatar0031.jpg سوبر فتكات Fatakat 585309 نقلت الى المنصورة – مصر