سلام عليكم
بصوا أنا خيبة فى المطبخ للأسف بس باتعلم وبحاول أبقى أحسن وربنا يكرمكم يا فتوكات لأنى بتعلم كتيييير منكم
أنا كنت عايزة اعرف لما أجى أعمل مخبوزات أو حلويات أعمل بأنهى زبدة؟ أنا عندى سمنة بلدى بس فى البيت لكن سمعت انها مش حلوة فى المخبوزات والحلويات
والزبدة الصفرا؟ أنا مش بجيبها ولا السمنه الهولندى (المارجرين) اللى هى السمنة النباتى ؟ استخداماتهم ايه؟
أنا مبجبش بصراحة سمنة ، ماما اللى بتجيبلى البلدى بس كنت عايزة أعمل مخبوزات من اللى بشوفها على المدونة فأجيب زبدة صفرا؟ ولا أستخدم البلدى ولا ايه؟
يعنى لو واحدة تكسب فيا ثواب تقوللى كل نوع أفضل استخدام ليه ايه؟
وكمان سؤال : المعيار بيبقى فى زبدة جامدة ولا سايحة؟ وأعير ازاى؟
يعنى معنديش معيار غير بتاع الكيتشين ماشين ….ينفع؟ يعنى لما أقرا 200 جرام زبدة أحط فيه زبدة لحد علامة ال200 جرام؟ ولا أجيب باكيت 200 جرام من السوبر ماركت؟ ولا أسيح الزبدة وأخد منها 200 جرام؟
معلش انا أسئلتى كتير بس فعلا محتاجة أعرف الاجابة بدل ما أعك
شكرا جزيلا مقدما مواضيع هذا القسم برعاية
manar.keshk manar.keshk 747707_1.gif فتكات متميزة Fatakat 747707 القاهرة – مصر