انا ياجماعة الخير ابنى داخل المدرسة كلاكيت اول مرة بكرة ومحتاسة ومش عارفة احطله ايه
عاوزة ساندويتشات حلوة ومغذية وفى نفس الوقت يقبل عليها وياكلها يعنى اعملهاله ازاى
ثانيا انا فى السعودية اديه مصروف ولا كفاية الساندويتش والعصير الى هياخدو ولو اديته اديله كام
انا عندى كام فكرة بس مش عارفة هتبقى كويسة ولا لا
انا علشان اخليه ينام من غير مايعذبنى بعملله ساندويتش قطعتين توست واحدة ادهنها معجون شكولاتة بالبندق
والتانية بزبدة الفول السودانى واحطهم على بعض واحمصهمله فى سخان الساندويتش او الطاسة التيفال بس مافتكرش ان دى مناسبة للمدرة لان الشكولاتة بتخليه يهدى ويسترخى وينام انا مش عاوزاه ينام فى المدرسة
من الاخر بتعمللو لعيالكو ايه وهما رايحين المدرسة وبتدوهم كام مصروف
واحطله زمزامية الميه ولا كفاية كوب خاص بيه يشرب بيه من الكولدير
والعصير احطله عصير ولا حليب
انا عارفة هتضحكو عليا بس دى اول مرة اودى عيال للمدارس وملخبطة وفرحاااااااااااااااااااااااااااانة جدا عقبال كل الى عيالهم صغيرين لما يكبرو ويحتاسو حوستى مواضيع هذا القسم برعاية
ميرو عبد الرؤف ميرو عبد الرؤف 276505_6.gif سوبر فتكات Fatakat 276505 فى اى حتة ماتفرقش – مصر
سبحان الله و بحمده