السلام عليكم
تعرفوا يا جماعة انا لفيت منتديات كتير وقليل وعمري ما ارتحت الا وسط الستات هنا في فتكات HOME SWEET HOME
ما علينا المهم
قررت قبل عيد الام بيوم انه يوم الخبيز العالمي وقررت اعمل مافن وبسكوت وبيتيفور واي حاجة تتخبز المهم اني اتحولت عقبال ما لقيت مقادير للبيتيفور لان كل شيف ليه مقادير لوحده المهم اني عملت مقادير بتاعت حورية المطبخ وعملته
ولأن الكميه كبيرة جدا قصدي الزبدة 500 جرام قررت اقسمها واقسم باقي المكونات وقعدت اتفرج علي الست وهي بتعمله المهم
بعد ما خلطته حسيت ان الزبدة بتاعتي مش كريميه اوي وحسيت ام العجين مش ماسك بعضه اوي بس حورية كان قوام العجين بتاعها زي بتاعي سايح كده
المهم معرفتش احطه في اقماع لان قمعي بايظ ومعنديش ماكنة البيتيفور ولبخت المطبخ وكانت شورة سودا وبعد ما حطيته في صنية اخيرا وعملته بالشوطة كدا ال يعني بيتيفور بعد ما دخل الفرن لقيته ساح علي بعضه وطلع فطيرة كده ههههه كنت هموت والله
بس انا مستسلمتش طلعت اشكال التقطيع بتاعتي وعملت ورد وقلوب وبقي شكله بيتيفور بس طري زي كيك البرواني وقوامه ملوش اي علاقة بالبيتيفور بس طعمه بيتيفور
وعلي فكرة انا محطتش باقي مقدار الدقيق عشان كنت خايفه ينشف وانا عاوزاها طري وفلافي
نفسي اعرف اولا هو باظ مني ليه ولو حد يديني مكونات بيتيفور هي عملاه بنفسها يكون لطيف
ويا ريت مقادير بسكوت النشادر كمان ويا تري هيكون حلو بالزبد الفلاحي الاصلي ولا لا
وانا عندي مقادير بتاعت الشيف يسري لبسكوت النشادر ولو فاكرين الحلقة قال ممكن تشيلي النشادر وتحطي قشر برتقال ويبقي بسكوت برتقال هل حد جرب الحاجات بتاعته دي ولا لا ؟؟؟
ارجوكي ساعدوني وانا كده لسه عندي حماسة الخبز مراحتش(يلا يا جدعان قبل ما يعقل يا جدعان
اختكم
ام زينة
بوسه لكل واحدة فيكو مواضيع هذا القسم برعاية
catren catren 133097_1.gif فتكات نشيطة Fatakat 133097 الدقهلية – مصر