السلام عليكم ورحمه الله وبركاته
بصو بقا الاول صلوا على الحبيب النبى
عليه افضل الصلاه والسلام
والدى العزيز ربنا يبارك فى عمره ويخليه نفسه فى اكله فشه وكرشه وكوارع
وانا زى الشاطرة رحت مسحوبه من لسانى وقلتله انا هعملهالك
بحكى لجوزى قالى هو انتى بتعرفى تعملى الاكل ده يابنتى
اعزميهم على حاجه تانيه
قلتله نعمطبعا بعرف انت بتتكلم ازاى
قالى اتحداكى
انتى عمرك ما عملتيه قبل كده
بصراحه غاظنى
قلتله هتشوف ان ما عملتلك اكله فشه وكرشه تاكل صوابعك وراها مبقاش انا
وانا بقا بتكلم بمنتهى الثقه وفى دماغى انى هسال الفتوكات الجامدين
انا عارفه انكو مش هتكسوفنى
بالله عليكو ساعدونى
قولولى ازاى اغسلها واسيبها منقوعه قد ايه
كمان طبعا طريقه كل حاجه منهم وبتستوى فى قد ايه وقت
مع العلم انى معنديش حله ضغط
معلش لو هتقل عليكو بس عشمانه
متكسفونيش
وشكرا ليكو كلكو مقدما
ملحوظه
اللى هياكل الاكله دى 4 افراد
اجيب من كل حاجه قد ايه
يعنى كام كيلو؟؟؟؟؟؟؟؟؟؟؟
وشكرا ليكو يا حبايبى مواضيع هذا القسم برعاية
ميرو (ام عمر) ميرو (ام عمر) 348821_1.gif فتكات رائعة Fatakat 348821 القاهرة – مصر