انا عارفة انه إستفسار غريب شوية..
بس انا دى مشكلتى اللى معقدانى فى حياتى فى المطبخ
انا بعرف اعمل اى حاجة ماعنديش اى مشكلة
بس مشكلتى الكبيــــــــــــــــــرة فى الوقت
بجد بطيئة جدا فوق ما تتخيلوا
خصوصا لو بعمل محشى والحاجات اللطيفة دى
ممكن تقولولى كلنا كده
بس لأ بجد انا فوق الفظيع
يعنى ممكن طبق السلطة اقعد اكتر من ساعة إلا ربع بقطع فيه
بجد والله مش هزار
ودى سلطة يعنى حاجة بسيطة جداً
حد عنده نصيحه او حاجات تفيدنى انى انجز بسرعة
الموضوع ده مأزمنى خصوصا لما خطيبى بيبقى عندنا
بيبقى قدامى اختيارين يا اما اطبخ وافضل مرزوعة جوه فوق الاربع خمس ست ساعات كده
يا اما البس
وطبعا الاجابة معروفة ههههه
وماما تقعد تصوت
نفسى افرح كده بسفرة تمام
مش ابقى ناوية اعمل اكتر من صنف والوقت ما يسعفنيش
فأضطر اسيب حاجات كنت هعملها 
حد عندة حل ؟؟
يعنى أزاى انظم وقتى اول ما ادخل المطبخ ؟
اوعوا تنطشونى بجد هدعيلكم من كل قلبى
بحبكم فى الله
مواضيع هذا القسم برعاية
آيه من الله آيه من الله 136633_73.gif فتكات ست الكل Fatakat 136633 القـاهرة – مصــر