السلام عليكم ورحمه الله وبركاته
طبعا انا اول مره اكتب فى القسم ده
بس قلت انه ماينفعش اجرب حاجه وماقولش لفتوكاتى حبابيبى عليها
نبدأ بسم الله
المقادير
1- كيلو اجنحه دجاج
الصوص
نص كوب كاتشب -3 معالق هوت صوص – معلقتين صويا صوص- معلقتين عسل ابيض – فصين توم – معلقتين زنجبيل بودر – ثمره بصل
فلفل حار – نص كوب خل -معلقتين مسترده- ملح وفلفل – كمون- مكعب مرق – ماء حسب الحاجه
انا استبدلت العسل الابيض بمعلقتين سكر
اول حاجه ناخد اجنحه الدجاج ونتبلها
ثم زيت وزبده فى طاسه ونحط فيها الاجنحه عشان تاخد لون
هنجيب طاسه تانيه ونحط فيها البصل والتوم والفلفل لحد مايدبل وبعدين احط السكر والكاتشب -هوت صوص-صويا صوص -الزنجبيل -الخل -المسترده –
ملح وفلفل ونراعى اننا مانحطش ملح كتير عشان الصويا صوص بتكون مالحه شويه وكمان مكعب المرق
وبعد كده هنحط عيها الاجنحه
ثم نزود مايه ومكعب المرق
واول ماتغلى نوطى النار ونسيبها تستوى ومابتخدش وقت كتير
وده شكلها بعد مااستوت
انا طبعا عملت معاها مكرونه بالصلصه وطبق سلطه عباره عن
معلقه طحينه وشويه مايه دافين ومعلقه خل وملح وفلفل وكمون وزعتر وبعدين قطعت عليها طماطم وفلفل اخضر وممكن
تضيفى عليها اى نوع خضار خس خيار جزر اى حاجه انتى تحبيها وبالف هنا وشفا
مواضيع هذا القسم برعاية
ساجدة غفران ساجدة غفران 257302_19.gif شيف فتكات Fatakat 257302 القاهره _ الحلميه الجديده – مصر
سبحان الله و بحمده