بسم الله الرحمن الرحيم
حبيبيي الفتوكات النهارده جيبالكم طرقتي لعمل اجنحة الدجاج اللذيذه
والله احلي من كوكي اجنحه واضم علي الاقل انتي اللي عاملها في البيت
نشوف اول صوره وبعدين نقول الطريقة
اجنحة الدجاج
وتوابل ملح فلفل توابل فراخ كاري كركم ببريكا توم بودر شطه اختياري
عصير ليمون
للتغطية الاجنحه هنحتاج
2معلقة كبيرة بقسماط ناعم
3معلقة كبيره دقيق
معلقة كبيره نشا
معلقة بيكنج بودر
وماء
الطريقة
هنغسل الاجنجه كويس بالماء والدقيق علشان نشيل الزفاره وده شكل الجنح
هنقطعها ويبقي بالشكل ده
وبعدين تبل الاجنحه بالتوابل اللي عندنا وعصير الليمون ونتركها مده حلوه في التلاجه كل ما سبناها في التتبيله مده اكبر بتكون احلي واحلي
وبعدين نحضر الغلاف اللي علي الاجنحه بنحط الدقيق علي البقسماط والنشا والبيكنج بودر ونزود حبة ميه ونحط عليهم توابل برضه نخليها زي عجينة الكيكه سميكه علشان تشيل معانا ونحط الاجنجه المتبله في الخليط بالشكل ده
وبعدين نجيب دقيق ابيض ونطلع من الخليط ونحط في الدقيق تاني بالشكل ده
وبعدين نقلي في الزيت علي نار مش عاليه علشان تستوي من جوه
هنطلعها من الزيت ونصفيها من الزيت علي مناديل
شايفين من جوه بيضه قشطه ازاي مستويه ومفهاش اي دم
وبعدين نقدمها نشوف كده الصور ويارب تعجبكم
وهنا قدمت جنبها مكرونه وقطه وطماطم حاجه بسيطه يا عني
ويارب موضوعي يكون عجبكم في امان الله
مواضيع هذا القسم برعاية
روفيدةالعصفورة روفيدةالعصفورة 1146155_1.gif فتكات هايلة Fatakat 1146155 الجيزة – مصر