النهاردة حوريكم طريقتى فى السمان المحشى رز
وكنت عاملة جنبه صينية رقاق ورز بالخلطة
حنبدا طبعا بالسمان المحشى
ده السمان طبعا غسلته ونقعته زى اى طيور بالدقيق والملح والخل وده شكله لما اتغسل انا كنت عاملة 6 وحدات
يعنى المقادير دى لستة
حنجيب بصلة متوسطة مبشورة مع معلقة سمنة على زبدة ونشوحهم على النار
لما يبقوا بالشكل ده لو تحبوا تحطوا كبد وقوانص حطوهم دلوقت يخدوا تشويحه مع البصل قبل ما نحط الرز
بس انا ما بحطش
نكون غاسلين الرز ونقعينه انا بحسب كل سمانه بتاخد تقريبا معلقة كبيرة ونصف رز قبل النقع
لو حتحطوا كبد وقوانص يبقى معلقة واحدة
ونشوح الرز كويس مع البصلة
نحشى السمان بس طبعا مش نملاه اوى علشان الرز يتمدد
وانا بحشى فى التجويف اللى بين الورك والصدر
ونقفله كويس وبربطه بالخيط زى ما انتوا شايفين
بعد كده حنحط ميا فى الحلة مع بصلتين متوسطين وفلفل اسود وفصين حبهان وورق لوروا
ونسيب الميا تغلى مع البصل ساعة الا ربع لما يبقى شكلها كده وده لان السمان مش بياخد وقت فى السوا
شوربته مش بتبقى حلوة فانا بغلى الميا مع البصلة كده علشان الشوربة تطلع حلوة
نحط بقى السمان ولما يغلى كويس نوطى النار عليه خالص ونسيبه يستوى هو بياخد ساعة الا ربع لساعة
بعد ما يستوى حنحمره فى سمن بلدى مع زيت
المشاركة الجاية الرقاق والرز بالخلطة
يتبعععععععععععععع
مواضيع هذا القسم برعاية
۩۞۩ الحمد لله رب العالمين ۩۞۩ ۩۞۩ الحمد لله رب العالمين ۩۞۩ 94824_2.gif سوبر فتكات Fatakat 94824 جدة & المنصورة بلدى حبيبتى – السعوديه دلوقت و مصر فى الاجازة