بسم الله الرحمن الرحيم
السﻻم عليكم حبيباتي
النهارده فراخي المشوية من غير فرن وﻻ شواية
على البوتاجاز من فوق
بعد ما نجحت معايا تجربة السمك المشوي على البوتاجاز
قلت اجرب الفراخ
والحمد لله بفضل الله تمت التجربة بنجاح
استخدمت فرخة وزنها كيلو واحد وده الوزن المثالي للشواء ولو لقيتي اقل يبقى كويس
تبلتها بصل مبشور طماطم مبشورة لمونة معلقة مسطرده معلقة زبادي ملح وفلفل
من بالليل حتى تاني يوم على الغدا
طلعت صاجة الفرن على عين البوتاجاز الكبيرة اللي في النص وتوكلت على الله وحطيت عليها شبكة الفرن زي ما هتشوفو في الصور
حطيت الفرخة واستنيتها تستوي طبعا كانت النار بعيده عليها ومش حسيت انها هتستوي شلت الشبكة وخليتها مباشرة على الصاجه بس اديت الصاجه نقطة زيت عشان متلزقش .
فعﻻ اول ماحطيتها على الصاجه مباشرة بدأت احس بالتفاعل وان الفرخة بتستجيب للعملية ….
كل وجه من الفرخة اخد حوالي 20 دقيقة عشان يستوي
يعني الفرخة كلها اخدت 40 دقيقة يعني ساعه اﻻ ثلث
وهتشوفو بعنيكم انها استوت كويس
مميزات الطريقة
سهله وسريعة ومبتاخدش مجهود
بتدي طعم الفراخ المشوية بتاعت المطاعم
عيوبها
هو عيب واحد انها عملت دخان كتير في الشقة
بس لو عندك شفاط كويس هيتم السيطرة على الموضوع
انتظروني في تجربة قادمة ومعاناتي مع اﻻكل الصحي
واسيبكم مع الصور
..
..
..
مواضيع هذا القسم برعاية
د/نور د/نور 517416_1.gif فتكات رائعة Fatakat 517416 السعودية – السعودية