المقادير
=====
½ كيلو صدور دجاج مخلية من العظم
2معلقة كبيرة زيت زيتون
ملح
فلفل أسود
زنجبيل
معلقة زعتر
مكعب مرقة دجاج
¼ كوب عصير ليمون
2 فص ثوم كبير شرائح
*مقادير صوص الرمان والفلفل
================
زبدة ومعلقة زيت زيتون
معلقة صوص صويا
2 معلقة سكر
مكعب مرقة دجاج
زنجبيل
زعتر
فلفل اسود
كوب كريمة طبخ
2 حبة فلفل أحمر رومى كبيرة
½ كوب عصير رمان طبيعى بدون سكر
الطريقة:
=====
نتبل صدور الدجاج بالملح والفلفل والتوابل وفص ثوم واحد وعصير الليمون كويس ونسيبها نص ساعة فى التتبيلة
نقطع الفلفل الرومى شرايح رفيعة ونشويها ونفرمها فى الخلاط بدون اى اضافات
نحط الفلفل المفروم مع عصير الرمان المتصفى كويس على النار مع التقليب كويس ونضيف كل التوابل والصويا والكريمة ونقلب لغاية مالخليط يتقل
نحضر الحلة ونحط فيها زيت الزيتون و نضيف الدجاج بالتتبيلة ونقلبها كويس ونضيف فص الثوم الثانى ونخلي الدجاج يبقى لونه محمر خفيف ونرفعها من على النار
تتزين بالزعتر او الريحان ووتتقدم جنبها صوص الرمان والفلفل مع الرز او اى طبق جانبى مفضل …
مواضيع هذا القسم برعاية
Nehal Elzanan Nehal Elzanan 865491_9.gif فتكات رائعة Fatakat 865491 المنصورة اللى دايما منصورة – مصر ام الدنيا